18-Aug-2023

ବଲାଙ୍ଗିର /ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ) ଆଜି ବଲାଙ୍ଗିର ଜିଲ୍ଲା କଂଗ୍ରେସ ନେତା ଅନିଲ କୁମାର ମେହେରଙ୍କ ନେତୃତ୍ୱରେ ପାଟଣାଗଡ଼ ଉପଖଣ୍ଡ ତିନୋଟି ବ୍ଳକ ବେଲପଡା, ଖପ୍ରାଖୋଲ, ପାଟଣାଗଡ଼ ରେ ୧୧ ଦଫା ଦାବିରେ ବ୍ଳକ କାର୍ଯ୍ୟାଳୟ ଘେରାଉ କରିବା ସହ ବିଡ଼ିଓ ଙ୍କ ଜରିଆରେ ରାଜ୍ୟପାଳଙ୍କୁ ଏକ ଦାବିପତ୍ର ଦିଆଯାଇଛି।

ପ୍ରଥମ ଦାବି ହେଉଛି ବ୍ଳକ କାର୍ଯ୍ୟାଳୟ ମାନଙ୍କୁ ଅତ୍ୟଧିକ ପି, ସି କାରବାର ୧୫% ରୁ ୫୦% ହେଉଥିବା ବନ୍ଦ କରିବା ଦ୍ବିତୀୟ ରେ ଏବେ ରାଜ୍ୟ ସରକାର ନବୀନ ଓଡ଼ିଶା ଯୋଜନାରେ ପ୍ରତି ପଞ୍ଚାୟତ କୁ ଦେଉଥିବା ୫୦ ଲକ୍ଷ ଟଙ୍କା ସିଧାସଳଖ ପଞ୍ଚାୟତ କୁ ଦିଆଯାଉ ତୃତୀୟ ରେ ଖାଲି ପଡିଥିବା ୨ ଲକ୍ଷ ୨୬ ହଜାର ୫୬୯ ଟଙ୍କା ସରକାରୀ ପଦବୀ ପୂରଣ କରାଯାଉ ଚତୁର୍ଥ ରେ ପେଟ୍ରୋଲ, ଡିଜେଲ, ଗ୍ୟାସ, କିରୋସିନି ଭଳି ନିତହାର୍ଯ୍ୟ ପଦାର୍ଥ ଯଥା ଲୁଣ ଠାରୁ ତୈଳ ପର୍ଯ୍ୟନ୍ତ ଦରଦାମ ବୃଦ୍ଧି ବନ୍ଦ କର।ପଞ୍ଚମରେ କୃଷି ଜାତୀୟ ପଦାର୍ଥ ଅଭାବୀ ବିକ୍ରି ବନ୍ଦ କର କଟନୀ ଛଟନୀ ବନ୍ଦ କର ଓ ପ୍ରତ୍ୟେକ ବ୍ଳକରେ ଶୀତଳ ଭଣ୍ଡାର ର ସୁବିଧା କର । ଷଷ୍ଠ ରେ ଲୋ ଭୋଲ୍ଟେଜ ପାଓ୍ବାର କଟ୍ ବିଦ୍ୟୁତ ଦେୟ ବୃଦ୍ଧି ବନ୍ଦ କର ଟାଟା କମ୍ପାନୀ ର ଖାଉଟି ମାରଣା ବିଜୁଳି ନୀତି ବନ୍ଦ କର । ସପ୍ତମ ରେ ଅନୁସୂଚିତ ଜାତି ଓ ଜନଜାତି ପଛୁଆ ବର୍ଗ ପାଇଁ କଂଗ୍ରେସ ଦେଇଥିବା ଅଧିକାରକୁ କ୍ଷୁର୍ଣ୍ଣ କରିବା ବନ୍ଦ କର ।ଅଷ୍ଟମ ରେ ନାରୀ ନିର୍ଯାତନା ବନ୍ଦ କର ନାରୀ ମାନଙ୍କୁ

ଆର୍ଥିକ ଦୃଷ୍ଟିରୁ ସ୍ବସକ୍ତ କର ।ନବମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହିତାଧିକାରୀ ମାନଙ୍କୁ ଚୟନ ବେଳେ କୌଣସି ପ୍ରକାର ପ୍ରିୟାପ୍ରିତି ତୋଷଣ କରାଯାଉ ଓ ରାଜ୍ୟ ର ପ୍ରକୃତ ଗରିବ ବାସହୀନ ହିତାଧିକାରୀ ଙ୍କୁ ଆବାସ ଯୋଜନାରେ ସାମିଲ କରାଯାଉ ।ଅପରଲାନ୍ଥ ବନ୍ଧ ଯୋଜନା ଘୋଷଣା କରାଯାଉ ଓ ଶେଷରେ ବେଲପଡା ଗାଁ କୁ ଏନ୍ ଏ ସି ମାନ୍ୟତା ଦିଆଯାଉ। ପାଟଣାଗଡ଼ ରେ କଂଗ୍ରେସ ବ୍ଳକ ସଭାପତି ପତିତପାବନ ପ୍ରଧାନ ଙ୍କ ନିର୍ଦ୍ଦେଶନାରେ ପଞ୍ଚମୁଖୀ ହନୁମାନ ମନ୍ଦିର ଠାରୁ ଏକ ଶୋଭାଯାତ୍ରା ବାହାରି ବ୍ଳକ ପରିସରରେ ପହଞ୍ଚି ବିଡ଼ିଓ ଙ୍କ ଜରିଆରେ ରାଜ୍ୟପାଳଙ୍କୁ ଦାବିପତ୍ର ଦେଇଥିବା ବେଳେ ବେଲପଡା ବ୍ଲକ ତାରିଣୀ ମନ୍ଦିର ଠାରୁ ବିଧାୟକ ପ୍ରାର୍ଥୀ ଅନିଲ କୁମାର ମେହେରଙ୍କ ନେତୃତ୍ୱରେ ଏକ ଶୋଭାଯାତ୍ରା ବାହାରି ବ୍ଳକ କାର୍ଯ୍ୟାଳୟ ଆଗରେ ଧାରଣା ଦେଇ ବିଡ଼ିଓ ଙ୍କୁ ଦାବିପତ୍ର ପ୍ରଦାନ କରିଥିଲେ। ଖପ୍ରାଖୋଲ ବ୍ଳକ ରେ ଯୁବ ସଭାପତି ଚନ୍ଦନ ସାହୁ ଙ୍କ ନିର୍ଦ୍ଦେଶନାରେ ପେଟ୍ରୋଲ ପମ୍ପ ଠାରୁ ଏକ ଶୋଭାଯାତ୍ରା ବାହାରି ବ୍ଳକ କାର୍ଯ୍ୟାଳୟ ପହଞ୍ଚି ବିଡ଼ିଓ ଙ୍କ ଜରିଆରେ ରାଜ୍ୟପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଯଦିଓ ଏ ସମ୍ପର୍କରେ ଆଗକୁ କୌଣସି ପଦକ୍ଷେପ ଗ୍ରହଣ ନକରାଯାଏ ତାହେଲେ ଆଗକୁ ଆହୁରି ଆନ୍ଦୋଳନ ତୀବ୍ରତର ହେବ ବୋଲି ଅନୀଲ କୁମାର ମେହେର ମନ୍ତବ୍ୟ ଦେଇଛନ୍ତି।