17-Aug-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଆଜି ସୁବର୍ଣ୍ଣପୁର ଜିଲ୍ଲାର ସଦର ମହକୁମା ମାଣିକେଶ୍ଵରୀ ମନ୍ଦିର ନିକଟରେ ବାଇକ ରେ ଆସୁଥିବା ଦୁଇ ଜଣ ଯୁବକ ଗୋଟେ ଗାଈ ସହିତ୍ ଧକ୍କା ହେବାରୁ ଗୁରୁତର ଆହତ ହୋଇ ତଳେ ଛିଟିକି ପଡିଥିଲେ l ଠିକ ଏହି ସମୟରେ  ସୁବର୍ଣ୍ଣପୁର ଅତିରିକ୍ତ ଆରକ୍ଷୀ ଅଧିକ୍ଷକ ହେମନ୍ତ ପାଢ଼ୀଙ୍କ ନଜରରେ ଆସିବା ପରେ ନିଜ ଗାଡିରେ ତାକୁ ଧରି  ସଦର ମେଡ଼ିକାଲରେ ଚିକିତ୍ସା କରାଇଥିଲେ l ସମାଜସେବୀ ମନୋଜ ପଣ୍ଡା , ସୁରଜ ପୂଜାରୀ ଓ କିଛି ହୃଦୟବାନ ବ୍ୟକ୍ତି ଏହି କାର୍ଯ୍ୟ ରେ ସହଯୋଗ କରିଥିଲେ l ପ୍ରତ୍ୟୋକ ଦୁର୍ଘଟଣାର ଆହତଙ୍କୁ ମେଡିକାଲ ପହଞ୍ଚାଇ ଚିକିତ୍ସା କରୁଥିବା ବ୍ୟକ୍ତିଙ୍କୁ ସରକାରଙ୍କ ପରିବହନ ବିଭାଗ ପକ୍ଷରୁ ସାମରିଟାନ ପଲିସି ରେ ଦୁଇ ହଜାର ଟଙ୍କା ଆର୍ଥିକ ପୁରସ୍କାର ପ୍ରଦାନ କରାଯାଉଛି l ଏଣୁ  ଆଦୌ ଭୟ ନକରି ପ୍ରତ୍ୟକ ଦୁର୍ଘଟଣା ରେ ଆହତ ବ୍ୟକ୍ତିଙ୍କୁ ମେଡିକାଲ ପହଞ୍ଚାଇ ତୁରନ୍ତ ଚିକିତ୍ସା କରିବାକୁ ଜ଼ିଲ୍ଲା ଆଞ୍ଚଳିକ ପରିବହନ ଅଧିକାରୀ ଅକ୍ଷୟ କୁମାର ଜେନା ଅନୁରୋଧ କରିଛନ୍ତି l