17-Aug-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସିଦ୍ଧାର୍ଥ ଜୁନିଅର କଲେଜ ଏନଏସଏସ ବିଭାଗ ପକ୍ଷରୁ କଲେଜ ସଭାଗୃହ ଠାରେ ବୁଧବାର "ମେରୀ ମାଟି ମେରା ଦେଶ" କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି ।ପ୍ରୋଗ୍ରାମ ଅଧିକାରୀ ରୋହିତ ଧରୁଆଙ୍କ ତତ୍ତ୍ଵାବଧାନରେ ଅନୁଷ୍ଟିତ ଏହି କାର୍ଯ୍ୟକ୍ରମରେ କଲେଜ ଅଧ୍ୟକ୍ଷା ରେଖା ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ  ମାଟି ମାଁ ଓ ଦେଶର ସମ୍ମାନ ପାଇଁ ସୈନିକ ମାନଙ୍କ କର୍ତ୍ତବ୍ୟ ଉପରେ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ

ଉଦବୋଧନ ଦେଇଥିଲେ ।ଏହି ଅବସରରେ ଦେଶ ମାତୃକା ସେବାରେ ନିୟୋଜିତ ହୋଇ ଦକ୍ଷତାର ସହିତ କାର୍ଯ୍ୟ ତୁଲାଇଥିବା ବିନିକା ବ୍ଲକ ଶଙ୍କରା ଗ୍ରାମର ପୂର୍ବତନ ଭାରତୀୟ ସୈନିକ କ୍ଷିତିଶ ଚନ୍ଦ୍ର ସାମନ୍ତରାୟ(ସୁକେଶ)ଙ୍କୁ ସମ୍ବର୍ଦ୍ଧନା ଦିଆଯାଇଥିଲା ।ପରେ କାର୍ଯ୍ୟକ୍ରମରେ ଉପସ୍ଥିତ ଅଧ୍ୟାପକ ଝସକେତନ ମେହେର,ପ୍ରିତିରଞ୍ଜନ ସାହୁ,ଝଲକ ମିଶ୍ର,ନୀଳମାଧବ ଛତ୍ର,ଲାଇବ୍ରେରୀଏନ ଗରିବ ସାଳମା,ଖେଳଶିକ୍ଷକ ନାରାୟଣ ଚୌଧୁରୀଙ୍କ ସମେତ ସମସ୍ତ କର୍ମଚାରୀ ଓ ଅଧ୍ୟୟନରତ ଛାତ୍ରଛାତ୍ରୀ ମାନେ "ମାଟି କୋ ନମନ ବିରୋ କା ବନ୍ଦନ୍" ଉଦ୍ଦେଶ୍ୟରେ ସାମୁହିକ ଶପଥପାଠ କରିଥିଲେ ।