17-Aug-2023

ବରଗଡ:-ବରଗଡ ଜିଲ୍ଲା ଭେଡେନ ବ୍ଲକ କଂଗ୍ରେସ କମିଟି ପକ୍ଷରୁ ବ୍ଲକ ସଭାପତି ରମେଶ ଚନ୍ଦ୍ର ପଣ୍ଡା ନେତୃତ୍ବରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଆସନ୍ତା ୧୮ ତାରିଖରେ ଭେଡେନ ବ୍ଲକ କାର୍ଯ୍ଯାଳୟରେ ହେଉଥିବା, ଚାଷୀ ମାରଣ ନୀତି, ଧାନ ର ଅଭାବୀ ବିକ୍ରି, ପିସି କାରବାର, ଆବାସ ଯୋଜନା, ବେକାରୀ ସମସ୍ୟା, , ଦରଦାମ ବୃଦ୍ଧି, ନାରୀ ନିର୍ଯାତନା, ଟାଟା କମ୍ପାନୀ ବିଦ୍ୟୁତ ବିଭାଗର  ଖାଉଟୀ ବିରୋଧୀ ନୀତି ଉପରେ ଭେଡେନ କଂଗ୍ରେସ କମିଟି ପକ୍ଷରୁ ବ୍ଲକ କାର୍ଯ୍ଯାଳୟ ଘେରାଉ କରିବା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବତନ ଭେଡେନ ବ୍ଲକ କଂଗ୍ରେସ କମିଟି ସଭାପତି ଗଣେଶ ପଧାନ,ବରିଷ୍ଠ କଂଗ୍ରେସ କମିଟି ସଦସ୍ଯ ମଧୁସୂଦନ ତ୍ରିପାଠୀ, ଦଶରଥ ମେହେର, ବିଷ୍ଣୁ ଭକ୍ତ ସାହୁ, ଯତୀନ ସାହୁ ଓ ଅନ୍ୟାନ୍ୟ ବହୁ କଂଗ୍ରେସ କର୍ମୀ ଯୋଗ ଦେଇଥିଲେ। ପରିଶେଷରେ ମାଧବ ସାହୁ ଧନ୍ୟବାଦ ଅର୍ପଣ କରିଥିଲେ।