17-Aug-2023

କଟକ, ଓଡ଼ିଶା କୋଠାବାଡି ନିର୍ମାଣ ଶ୍ରମିକ କଲ୍ୟାଣ ବୋର୍ଡ ଅଧ୍ୟକ୍ଷା ଶ୍ରୀମୟୀ ମିଶ୍ର ଗୋପବନ୍ଧୁ ଭବନ ଠାରେ ଉତ୍କଳମଣି ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହିତ ଲୋକ ସେବକ ମଣ୍ଡଳ ରାଷ୍ଟ୍ରୀୟ ସଂପାଦକ ଡ. ପ୍ରଭାସ ଆଚାର୍ଯ୍ୟ ଙ୍କ ଅଙ୍ଗଦାନ ସଚେତନତା ସଂପର୍କରେ ଆଲୋଚନା କରିଥିଲେ । ଶ୍ରୀମୟୀ ପୂର୍ବରୁ ଶରୀର ଓ ଅଙ୍ଗଦାନ କରିଥିବା ବେଳେ ତାଙ୍କ ମାଁ ବଲାଙ୍ଗୀର ନେହେରୁ ନଗରର ବାସୀନ୍ଦା ଅବସରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ବିଜୟଲକ୍ଷ୍ମୀ ମିଶ୍ର ମଧ୍ୟ

ଏହି ଅବସରରେ ଶରୀର ଓ ଅଙ୍ଗଦାନ ପାଇଁ ସତ୍ୟପାଠ କରି ପରିଚୟପତ୍ର ଗ୍ରହଣ କରିଥିଲେ । ଏଥିସହ ରାଜ୍ୟର ଦୁଃସ୍ଥ, ଅସହାୟ ମହିଳାଙ୍କ ସହାୟତା ନିମନ୍ତେ ୧ଠ ହଜାର ଟଙ୍କା ସମାଜ ରିଲିଫ୍ ପାଣ୍ଠିକୁ ଦାନ କରିଛନ୍ତି ।  ‘ସମାଜ’ ସଂପାଦକ ଡ. ପ୍ରମୋଦ କୁମାର ମହାପାତ୍ର ଓ ମୁଖ୍ୟ ପରିଚାଳକ ଶିବରାମ ମିଶ୍ର ତଥା ଧାରାବାହିକ ପ୍ରଯୋଜକ ସୂର୍ଯ୍ୟ ରଥ କାର୍ଯ୍ୟକ୍ରମରେ ଉପସ୍ଥିତ ଥିଲେ ।