17-Aug-2023

ବରଗଡ଼:-ପ୍ରସ୍ତାବିତ ବରଗଡ଼, ପଦ୍ମପୁର, ନୂଆପଡ଼ା ରେଳ ଲାଇନ ଦାବିକୁ ସରକାର ଗତ ଜାନୁୟାରୀ ମାସରେ ମଞ୍ଚୁରୀ ଦେବାପାଇଁ ନୋଟିଫିକେସନ କରିଥିବା ବେଳେ ଏହାର ଜମି ଅଧିଗ୍ରହଣ ପାଇଁ ଦାବି ହେଉଛି। ବରଗଡ଼ ନୂଆପଡ଼ା ରେଳ ଲାଇନ ଦାବିର ଜଏଣ୍ଟ ଏକସନ କମିଟିର ଆବାହକ ଆଇନଜୀବୀ ଅଜିତ କୁମାର ଶତପଥୀଙ୍କ ଆବାହକତ୍ୱରେ ପଦ୍ମପୁର ଧର୍ମଶାଳା ଠାରେ ଆଇନଜୀବୀ ଗୌନ୍ତିଆ କୁମାର ସାହୁଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ ହୋଇ ଆସନ୍ତା କିଛି ଦିନ ମଧ୍ୟରେ ରାଜ୍ୟ ସରକାରଙ୍କ ଉଚ୍ଚ ପଦାଧିକାରୀ ଓ ମୁଖ୍ୟମନ୍ତ୍ରୀ ଙ୍କୁ ଭେଟି ଯଥାଶୀଘ୍ର ରାଜ୍ୟ ସରକାରଙ୍କ ପ୍ରତିଶ୍ରୁତି ଅନୁଯାୟୀ ଦାବି ଉପସ୍ଥାପନ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇଛି। ଜଏଣ୍ଟ ଏକସନ କମିଟିର କାର୍ଯ୍ୟକାରୀ କମିଟି ବିଜେପୁର, ପାଇକମାଲ ଓ ପଦ୍ମପୁରର ସଦସ୍ୟଙ୍କ ଉପସ୍ଥିତିରେ ଆଲୋଚନା ହୋଇ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବଙ୍କୁ ଧନ୍ୟବାଦ ଦେବାସହ କେନ୍ଦ୍ର ସରକାର ଉକ୍ତ ନୋଟିଫିକେସନକୁ କାର୍ଯ୍ୟନିର୍ଦ୍ଦେଶ ଦେବାପାଇଁ  ରାଜ୍ୟ ସରକାର ଜମି ଅଧିଗ୍ରହଣ କରିବା ସକାଶେ ଦାବି ଉପସ୍ଥାପନ କରିବା ପାଇଁ ଜଏଣ୍ଟ ଏକସନ କମିଟିର ଏକ ଟିମ୍ ଭୁବନେଶ୍ୱର ଗସ୍ତ କରି ମୁଖ୍ୟମନ୍ତ୍ରୀଙ୍କୁ ଭେଟିବା ସହ ବିଭାଗର ଅଧିକାରୀମାନଙ୍କୁ ଭେଟି ଦାବି ଉପସ୍ଥାପନ କରିବାକୁ ପ୍ରସ୍ତାବ ଗ୍ରହଣ କରାଯାଇଛି । ଉକ୍ତ ଜଏଣ୍ଟ ଏକସନ କମିଟି ବୈଠକ ଓକିଲ ସଂଘ ସଭାପତି ସନ୍ତାନ ଶତପଥି, ନାଗରିକ କମିଟିର ସଭାପତି ନିରୋଜ ଦୋରା , ପଦ୍ମପୁର ବଣିକ ସଂଘ ପ୍ରତିନିଧି- ନନ୍ଦ କିଶୋର ଅଗ୍ରୱାଲ, ରମେଶ ଅଗ୍ରୱାଲ, ସାମ୍ବାଦିକ ସଂଘ ପ୍ରତିନିଧି ବିଜୟ  କୁମାର ସାହୁ, ଆଦିତ୍ୟ କୁମାର ରଥ , ବିଜେପୁର ରୁ ମଣି ପଣ୍ଡା, ଅଜିତ କୁମାର ସାହୁ, ଅଭୟ ସାହୁ, ପ୍ରମୋଦ ସାହୁ ,ପାଇକମାଲ ନାଗରିକ କମିଟିରୁ ବିନୋଦ କାଳିଆ , ଆଇନଜୀବୀ ରାଜକିଶୋର ସାହୁ , ରମେଶ ଅଗ୍ରୱାଲ , ପ୍ରମୁଖ ଯୋଗଦାନ ଦେଇ ଆଲୋଚନାରେ ଅଂଶଗ୍ରହଣ କରି ଆସନ୍ତା ଦିନ କାର୍ଯ୍ୟକ୍ରମ ଉପରେ ଆଲୋଚନା କରିଥିଲେ । ଯଥାଶୀଘ୍ର ଏକ ପ୍ରତିନିଧି ଦଳ ଭୁବନେଶ୍ବରରେ ପହଞ୍ଚି ଦାବି ଉପସ୍ଥାପନ କରିବା ପାଇଁ ଜରୁରୀ ନିଷ୍ପତ୍ତି ଗ୍ରହଣ ହୋଇଛି ।