09-Aug-2023

ବରଗଡ:-ଅଧିକାଂଶ ଶିକ୍ଷା ବିଭାଗରେ ଶିକ୍ଷକ ଶିକ୍ଷକ ଶିକ୍ଷୟିତ୍ରୀ ମାନଙ୍କ ଅବହେଳା ଦେଖିବକୁ ମିଳୁଛି।କେନ୍ଦ୍ର ହେଉ ବା ରାଜ୍ୟ ସରକାର ହେଉ ଶିକ୍ଷା କ୍ଷେତ୍ରରେ ଅଗ୍ରଗତି କରିବା ପାଇଁ ସ୍କୁଲ ଛାତ୍ର ଛାତ୍ରୀ ମାନଙ୍କ ପାଇଁ ଅନେକ ଗୁଢିଏ ସୁବିଧା ମାନ ଯୋଗାଇ ଦେଉଛନ୍ତି। ଷ୍ଟାଇଫେନ ଠାରୁ ନେଇକି ଛାତ୍ର ଛାତ୍ରୀ ମାନଙ୍କ ପାଇଁ ବହି ସାଇକେଲ ଜୋତା ଡ୍ରେସ ଏପରିକି ଅତି ଗରିବ ଶ୍ରେଣୀ ପରିବାର ବିଷୟରେ ଚିନ୍ତା କରି ସ୍କୁଲରେ ଛାତ୍ର ଛାତ୍ରୀ ମାନଙ୍କ ପାଇଁ ମଧ୍ୟାହ୍ନ ଭୋଜନର ସୁବିଧା ମଧ୍ୟ କରିଛନ୍ତି।ହେଲେ ଅଧିକାଂଶ କ୍ଷେତ୍ରରେ ତାହା ସବୁ ଓଲଟା ଦେଖିବାକୁ ମିଲୁଛି।ଛାତ୍ର ଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ସରକାର ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ମଧ୍ୟ ଅଧିକ ରୁ ଅଧିକ ଦରମା ଦେଉଛନ୍ତି।ହେଲେ ପ୍ରକୃତ ରେ ତାହା ଶିକ୍ଷକ ଶିକ୍ଷୟିତ୍ରୀ ମାନେ ସଠିକ ପରିଶ୍ରମ କରୁନଥିବା କିଛି ସ୍କୁଲ ମାନଙ୍କରେ ଦେଖିବାକୁ ମିଳୁଛି। କେଉଁ ସ୍କୁଲରେ ପାଣିର ସୁବିଧା ନାହିଁ ତ, କେଉଁ ସ୍କୁଲରେ ଶିକ୍ଷକ ମାନଙ୍କ ପାଇଁ ଆରାମରେ ବସିବା ପାଇଁ ଗଦି ପକା ଚୌକିରେ ପଙ୍ଖା ତଳେ ବସୁଛନ୍ତି। ହେଲେ ଛାତ୍ର ଛାତ୍ରୀ ମାନଙ୍କ କ୍କାସରୁମରେ ପଙ୍ଖାର ବ୍ୟବସ୍ଥା ନାହିଁ।କେତେକ ଶିକ୍ଷକ ଶିକ୍ଷୟିତ୍ରୀ ଠିକ ସମୟରେ ନା ସ୍କୁଲକୁ ଯାଉଛନ୍ତି ନା ସ୍କୁଲକୁ ଆସୁଛନ୍ତି। ଏହାଫଳରେ ସରକାର ଯାହାସବୁ ଯୋଜନା ବ୍ୟବସ୍ଥା ଶିକ୍ଷାକୁ ଆଗେଇ ନେବାପାଇଁ ପ୍ରୟାସ କରିଛନ୍ତି ତାହାସବୁ ବାସ୍ତବରେ ଫେଲ ମାରିଛି। ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବରଗଡ଼ ଜିଲ୍ଲା ଗାଇସିଲାଟ ବ୍ଳକ କଁଟାବାହାଲ ପଞ୍ଚାୟତର ଗିଦମାଲ ଗାଁ ସରକାର ପ୍ରାଥମିକ ବିଦ୍ୟାଳୟ ଗିଦମାଲ ସ୍କୁଲରେ।ପ୍ରଥମରୁ ପଞ୍ଚମ ଶ୍ରେଣୀରେ ୭୫ ଜଣ ଛାତ୍ରଛାତ୍ରୀ, ଏବଂ ୨ ଜଣ ଶିକ୍ଷକ।ପ୍ରଧାନ ଶିକ୍ଷକ ଧନେଶ୍ୱର ବରିହା, ଏବଂ ତାଙ୍କ ସହଯୋଗୀ ପ୍ରହଲ୍ଲାଦ ସାହୁ, ଦୁଇଜଣ ଶିକ୍ଷକ ଏହି ସ୍କୁଲରେ ଯୋଗଦେବା ବର୍ଷେ ହେଲାଣି।ଗୋଟିଏ କୋଠରୀରେ ପ୍ରଥମରୁ ପଞ୍ଚମ ଶ୍ରେଣୀର ଛାତ୍ର ଛାତ୍ରୀ ମାନଙ୍କୁ ବସାଇ ପାଠ ପଢ଼ାଉଛନ୍ତି ତାହା ଛାତ୍ର ଛାତ୍ରୀ ମାନଙ୍କୁ ଭଲରେ ଜଣା। ଛାତ୍ର ଛାତ୍ରୀ ମାନଙ୍କୁ ସଠିକ ସମୟରେ ନା ସଠିକ ଭାବରେ ମଧ୍ୟାହ୍ନ ଭୋଜନ ମଧ୍ଯ ଦେଉନାହାନ୍ତି।ଗରମ ଗରମ ଦରସିଝା ଭାତ ,ଭାତ କୁ ଥାଲିରେ ନେଇ ଛାତ୍ର ଛାତ୍ରୀ ମାନେ ୧୦,୧୫ ମିନିଟ ଖାଇବା ଆଶାରେ ବସିଛନ୍ତି ହେଲେ ତା ସାଙ୍ଗରେ ଖାଇବାକୁ ନାହିଁ ଡାଲି, ବସାଯାଇଛି ଚୁଲିରେ।ଡାଲି, ଆଳୁ, କେତେ ସିଝା କେତେ ନୁହେଁ ନା ଲୁଣ ଲାଗିଛି ନା ତେଲ, ହଳଦୀ, ଗରମ ଗରମ ଦରସିଝା ପାଣିଆ ଡାଲି ଖାଇବାକୁ ଦିଆଯାଉଛି ଛାତ୍ରଛାତ୍ରୀ ମାନଙ୍କୁ।ସତେ ଯେମିତି ସେମାନେ ଗାଈଗୋରୁ ଙ୍କୁ ଖାଇବାକୁ

ଦେଲାଭଳିଆ।ଯାହାକି ଛାତ୍ରଛାତ୍ରୀ ମାନେ କାହାକୁ କିଛି କହିନପାରି ସେମିତି ଖାଦ୍ୟକୁ ମଧ୍ୟ ଭୋକରେ କେତେ ଖାଉଛନ୍ତି ତ କେତେ ଖାଇ ଫିଙ୍ଗି ଦେଉଛନ୍ତି।ଏହି ବିଷୟରେ ଶିକ୍ଷକ ବା ସେମାନଙ୍କ ଉପସ୍ଥିତ ଅଧିକାରୀ ମାନଙ୍କୁ ପଚାରିଲେ କିଛି ଉତ୍ତର ଦେଉନାହାନ୍ତି କି କେଉଁ ସ୍କୁଲ ର ମଧ୍ୟାହ୍ନ ଭୋଜନର ପରିସ୍ଥିତି କଣ ସେଟା ମଧ୍ୟ ସେମାନଙ୍କୁ ଜଣାନାହିଁ।ଏବେ ପ୍ରଶ୍ନ ଉଠୁଛି ଯେ ସରକାର କାହାପାଇଁ ଶିକ୍ଷା ବ୍ୟବସ୍ଥା କୁ ଆଗେଇ ନେବା ପାଇଁ ଏତେ ସୁବିଧା ଯୋଜନା ପ୍ରଣୟନ କରୁଛନ୍ତି। ଗଣତାନ୍ତ୍ରିକ ଦେଶର ଏହା କଣ ଠିକ। କାହାପାଇଁ ସରକାର ଏତେ ଯୋଜନା କରୁଛନ୍ତି।ଛାତ୍ରଛାତ୍ରୀ ଦେଶର ଭବିଷ୍ୟତ।ସେମାନଙ୍କ ଉଜ୍ବଳ ଭବିଷ୍ୟତ ଗଢ଼ି ତୋଳିବା ଲକ୍ଷରେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ମୋଟା ଅଙ୍କର ଦରମା ଦେଇ ଚାଲିଛନ୍ତି।କେତେକ ଶିକ୍ଷକଙ୍କ ହିନ କାର୍ଯ୍ୟକ୍ରମ ପାଇଁ ସାରା ଶିକ୍ଷକ ସମାଜ ନିନ୍ଦିତ ହେବା କଣ ଠିକ ?ସମସ୍ତେ ସମାନ ନୁହନ୍ତି।ହେଲେ ପ୍ରକୃତ ରେ ଶିକ୍ଷକ ଶିକ୍ଷୟିତ୍ରୀ ମାନେ ସରକାରଙ୍କ ସୁଚିନ୍ତିତ ପଦକ୍ଷେପର ମୂଲ୍ୟ ଦେଉଛନ୍ତି କି ? ନିଜେ ସରକାର ଙ୍କୁ ଠୁ ଦରମା ନେଇ ନିଜ ପିଲାଛୁଆଙ୍କୁ ପ୍ରାଇଭେଟ ସ୍କୁଲରେ ପାଠ ପଢାଉଛନ୍ତି। ଏଥିରେ କଣ ସ୍କୁଲ ଛାତ୍ର ଛାତ୍ରୀ ମାନଙ୍କୁ ଜଦି ଠିକ ଭାବରେ ଶିକ୍ଷା ଦିଆଯାଇ ପାଠପଢ଼ା କୁ ମନରୁ ମଜବୁତ କରାନଗଲେ ତ କେମିତି ଆଗକୁ ପଢିବେ ନା କେମିତି ଆଗକୁ ବଢିବେ ନା କେମିତି ଶିକ୍ଷା କ୍ଷେତ୍ରରେ ରାଜ୍ୟ ବା ଦେଶର ବିକାଶ ସମ୍ଭବ ହେବ।ଏଥିପ୍ରତି ସରକାର ଦୃଷ୍ଟି ଦେଇ ଯେଉଁ ସବୁ କିଛିଟା ଶିକ୍ଷକ ଶିକ୍ଷୟିତ୍ରୀ ମାନେ ଜାଣିଶୁଣି ଅବହେଳା କରୁଛନ୍ତି ସେମାନଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଜନସାଧାରଣ ଙ୍କ ସ୍ୱର ଉଠୁଛି।