09-Aug-2023

ବରଗଡ:-ବରଗଡ଼ ଜିଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁରର ଭାରପ୍ରାପ୍ତ ଚିକିତ୍ସାଧିକାରୀ ଡା: ସୁଶାନ୍ତ ମେହେରଙ୍କ ନିର୍ଦ୍ଦେଶକ୍ରମେ ସମସ୍ତ ସ୍ୱାସ୍ଥ୍ୟ ଉପକେନ୍ଦ୍ର ମାନଙ୍କରେ ଫାଇଲେରିଆ ନିରାକରଣ ଅଭିଯାନ ସକାଶେ ସଚେତନତା ରେଲି ଅନୁଷ୍ଠିତ ହୋଇ ଯାଇଛି।ଏ ପରିପ୍ରେକ୍ଷୀରେ ବିଜେପୁର ସ୍ୱାସ୍ଥ୍ୟ ଉପକେନ୍ଦ୍ରରେ କାର୍ଯ୍ୟରତ ମହିଳା ସ୍ୱାସ୍ଥ୍ୟକର୍ମୀ ପିରବତୀ

ମାଝୀଙ୍କ ପ୍ରତ୍ୟକ୍ଷ  ତତ୍ୱାବଧାନରେ ବିଜେପୁର ସହରର ବିଭିନ୍ନ ସ୍କୁଲ,ଗଳିରେ ଏକ ସଚେତନତା ସକାଶେ ଏକ ରେଲି ବାହାରି ଡାକବାଜି ଯନ୍ତ୍ର ମାଧ୍ୟମରେ ଫାଇଲେରିଆ ନିରାକରଣ ସମ୍ପର୍କରେ ବିଭିନ୍ନ ସ୍ଲୋଗାନ ମାନ ଦେଇ ଜନସଚେତନତା ସୃଷ୍ଟି କରିଥିଲେ।ଏହି କାର୍ଯ୍ୟକ୍ରମରେ ସ୍କୁଲର ଛାତ୍ରଛାତ୍ରୀ,ଶିକ୍ଷକ,ଶିକ୍ଷୟିତ୍ରୀ ଙ୍କ ସମେତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଗୋଷ୍ଠୀ ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ସୁଦାମ ଚରଣ ପାଣିଗ୍ରାହୀ,ଗୋଷ୍ଠୀ କାର୍ଯ୍ୟକ୍ରମ ପରିଚାଳକ ବିଜୟ କୁମାର ସରାପ,ମହିଳା ସ୍ୱାସ୍ଥ୍ୟ ପ୍ରରିଦର୍ଶିକା କବିତାଞ୍ଜଳୀ ଦାଶ,ବରିଷ୍ଠ ଯକ୍ଷ୍ମା ନିୟନ୍ତ୍ରଣ ପରିଦର୍ଶକ ଦେବାଶିଷ ଦେବତା,କୁନା ମେହେର ଙ୍କ ସମେତ ସମସ୍ତ ଅଙ୍ଗନବାଡି କର୍ମୀ,ଆଶାକର୍ମୀ ଯୋଗଦାନ କରି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ।ଆଶାକର୍ମୀ ସାବିତ୍ରୀ ମେହେର ମାଇକ ଯୋଗେ ଫାଇଲେରିଆ ଉପରେ ସ୍ୱରଚିତ ସମ୍ବଲପୁରୀ କବିତା ନିଜେ ଗାଇ ସଚେତନତା ବାର୍ତ୍ତା ପ୍ରଦାନ ବେଶ ଲୋକଙ୍କ ପାଖରେ ଆଦୃତ ହୋଇ ପାରିଥିଲା।