06-Aug-2023

ବରଗଡ଼:- ବରଗଡ଼ ଜିଲ୍ଲା ବିଜେପୁର ସରକାରୀ ଉଚ୍ଚବିଦ୍ୟାଳୟରେ ଅଧ୍ୟୟନ କରିଥିବା ୧୯୮୪ ମ୍ୟାଟ୍ରିକ ବ୍ୟାଚ ର ଏକ ପ୍ରାରମ୍ଭିକ ବନ୍ଧୁ ମିଳନ ସ୍ଥାନୀୟ ଏସ.ଏଚ.ଜି ଭବନ ଠାରେ ବନ୍ଧୁତ୍ୱ ଦିବସ ଅବସରରେ ସୁର୍'ତା ସଜବାଜ୍ ରବିବାର ଦିନ ମହା ସମାରୋହରେ ପାଳିତ ହୋଇ ଯାଇଛି।ଉକ୍ତ ବ୍ୟାଚ୍ ର ଜୟପ୍ରକାଶ ଗିରି,ଗୋବିନ୍ଦ ଚନ୍ଦ୍ର ପଧାନ,ଡା:ସରୋଜ କୁମାର ସେଠ,ପ୍ରତାପ ସାହୁ,ପ୍ରମୋଦ ସାହୁ,କିଶୋର ଚନ୍ଦ୍ର ମେହେର,ଧରମପାଲ ସେଠ,ଅରବିନ୍ଦ ପଧାନ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆୟୋଜିତ ଏହି ବନ୍ଧୁ ମିଳନରେ ୧୩୦ ଜଣ ମହିଳା ପୁରୁଷ  ସହପାଠୀ ଯୋଗଦାନ କରିଥିଲେ।କାର୍ଯ୍ୟକ୍ରମ ପ୍ରାରମ୍ଭରେ ଦିବଙ୍ଗତ ଶିକ୍ଷକ ଓ ସହପାଠୀ ମାନଙ୍କ ସ୍ମରଣେ ୨

ମିନିଟ ନିରବ ପ୍ରାର୍ଥନା ଓ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା।ପରେ ସଭାକାର୍ଯ୍ୟ ଆରମ୍ଭ ହୋଇ ବିଭିନ୍ନ ପ୍ରସ୍ତାବ ଆଗତ କରାଯାଇଥିଲା।ଏବଂ ଆଗାମୀ ଅକ୍ଟୋବର ୨୯ରେ ସରକାରୀ ଉଚ୍ଚବିଦ୍ୟାଳୟ ବିଜେପୁର ଠାରେ ଗୁରୁ ପୂଜନ ସହ ବନ୍ଧୁ ମିଳନ କରାଯିବା ନେଇ ପ୍ରସ୍ତାବ ହୋଇଥିଲା।ବହୁ ଦୂରଦୂରାନ୍ତରୁ ସହପାଠୀ ମାନେ ପହଞ୍ଚି ଏହି କାର୍ଯ୍ୟକ୍ରମରେ ସାମିଲ ହୋଇ ନିଜନିଜର ପରିଚୟ ପ୍ରଦାନ କରିଥିଲେ।ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।