05-Aug-2023

କଣ୍ଟାବାଞ୍ଜି (ଆନନ୍ଦ ମୋଟେ ): ଭାରତ ସରକାରଙ୍କ କେନ୍ଦ୍ରୀୟ ଯୋଜନାରେ ତଥା କାର୍ଯ୍ୟକାରୀ ସଂସ୍ଥା ନାବାର୍ଡ ଏବଂ ସିବିବିଓ ମହାଶକ୍ତି ଫାଉଣ୍ଡେସନ ଦ୍ୱାରା ଗଠିତ ତୁରେକେଲା କୃଷକ ଉତ୍ପାଦକ କମ୍ପାନୀର ପରିଚାଳନା ନିର୍ଦେଶୀକା ଶ୍ରୀମତୀ ସ୍ନିଗ୍ଧା ମେହେର ଚଳିତବର୍ଷ ଦିଲ୍ଲୀ ସ୍ଵତନ୍ତ୍ରତା ଦିବସ ସମାରୋହ କୁ ନିମନ୍ତ୍ରିତ ହୋଇଛନ୍ତି । ୨୦୨୨ ଡିସେମ୍ବରରେ ଗଠିତ ତୁରେକେଲା କୃଷକ ଉତ୍ପାଦକ କମ୍ପାନୀ ବର୍ତ୍ତମାନ ସୁଦ୍ଧା ୩୦୦ କୃଷକ ଅଂଶୀଦାର ସହିତ ସାତ ଲକ୍ଷ ଟଙ୍କା ଅଂଶଧନ ସଂଗ୍ରହ କରିଛି । ୨୦୨୨-୨୩ ଆର୍ଥିକ ବର୍ଷରେ ୬୭ ଲକ୍ଷ ଟଙ୍କାର ବ୍ୟବସାୟ କରି ଏକ ଉଦାହରଣ ସୃଷ୍ଟି କରିପାରିଛି ଏହି କୃଷକ ଉତ୍ପାଦକ କମ୍ପାନୀ । ଚଳିତ ଆର୍ଥିକ ବର୍ଷରେ ଅତିକମ ରେ ଏକ ହଜାର କୃଷକଙ୍କୁ ଅଂଶୀଦାର ଭାବରେ ସାମିଲ କରି ଏଫପିଓ ର ବ୍ୟବସାୟ ଦୁଇ କୋଟି ଟଙ୍କା ରେ ପହଞ୍ଚାଇବା ଲକ୍ଷ ରଖିଥିବା ଶ୍ରୀମତୀ ମେହେର ପ୍ରକାଶ କରିଛନ୍ତି । ଜଣେ କୃଷକ ଉତ୍ପାଦକ କମ୍ପାନୀର ଏମଡିଙ୍କୁ ଦିଲ୍ଲୀ ସ୍ଵାଧିନତା ଦିବସ ସମାରୋହ କୁ ଆମନ୍ତ୍ରିତ କରି ସରକାର କୃଷକମାନଙ୍କ ମନୋବଳ ବଢାଇବା ସହିତ ଏଫପିଓ ରେ କୃଷକ ମାନଙ୍କୁ ସାମିଲ ହେବା ପାଇଁ ପ୍ରେରଣା ଦେଉଛନ୍ତି ବୋଲି ସିବିବିଓ ମହାଶକ୍ତି ଫାଉଣ୍ଡେସନର ବରିଷ୍ଠ ପରିଚାଳକ ହୃଷିକେଶ ସାହୁ ପ୍ରକାଶ କରିଛନ୍ତି । ଶ୍ରୀମତୀ ମେହେରଙ୍କ ନିମନ୍ତ୍ରଣ ଖବର ପ୍ରଚାରିତ ହେବାପରେ ବଲାଙ୍ଗିର ଜିଲ୍ଲା ଚାଷୀମହଲରେ ଖୁସିର ଲହରୀ ଖେଲି ଯାଇଛି ।