05-Aug-2023

ତୁଷୁରା (ପଞ୍ଚାନନ ନାଏକ) ଟିଟିଲାଗଡ଼ ବିଧାନସଭାର ସ୍ଵାସ୍ଥ୍ୟ,ଶିକ୍ଷା,ଗମନାଗମନର ଭଲି ମୌଳିକ ସୁବିଧା ଭଳ ଭାବେ ପାଇପାରୁ ନଥିବା ବେଳେ ଆସନ୍ତା ୬ତାରିଖ ୫ଟି ସଚିବଙ୍କ ତୁଷୁରା ଗ୍ରସ୍ତକୁ ବିରୋଧ କରିବ  ଯୁବ କଂଗ୍ରେସ ବୋଲି ସୂଚନା ପ୍ରଦାନ କରିଛନ୍ତି ଟିଟିଲାଗଡ଼ ବିଧାନସଭାର ଯୁବ କଂଗ୍ରେସ ସଭାପତି ଜ୍ଞାନରଞ୍ଜନ ସରାଫ । ତୁଷୁରା ସହର ସ୍ଥିତ ଅଗ୍ରେସନ ଭବନ ଠାରେ ଗୁଡ଼ଭେଲାବ୍ଳକ କଂଗ୍ରେସ ସଭାପତି ମହୋ ନାଗଙ୍କ ସଭାପତିତ୍ବରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା ।ତୁଷୁରା ସହରର ସର୍ବ ପୁରାତନ ଚିକିତ୍ସାଳୟକୁ ଅଗ୍ରେସନ ସହ ୧୦ଟି ଡାକ୍ତର ଯୋଗଦେବା, ତୁଷୁରା ସହର ଓ ଗୁଡ଼ଭେଲାବ୍ଳକରେ ଥିବା ସମସ୍ତ ଯୁକ୍ତ ଦୁଇ ଓ ଡ୍ରିଗ୍ରୀ କଲେଜରେ ବିଜ୍ଞାନ ଓ ବାଣିଜ୍ଯ ପାଠକ୍ରମ ଖୋଲିବା,ମାଁ ସମଲେଶ୍ବରୀଙ୍କ ମନ୍ଦିରର ଉନ୍ନତିକରଣ ପାଇଁ ୧୦କୋଟି ଟଙ୍କା, ଗମନାଗମନ ସୁବିଧା ସହ ତୁଷୁରାରୁ ବିଭିନ୍ନ ସ୍ଥାନକୁ

ସିଧାସଳଖ ବସଚଳାଚଳ, ଚାଷଜମିକୁ ଜଳସେଚନର ବ୍ଯବସ୍ଥା, ବିଭିନ୍ନ ଧନ୍ଦାମୂଳକ ପାଠ୍ୟକ୍ରମ ଆରମ୍ଭ, ଟିଟିଲାଗଡକୁ ଜିଲ୍ଲା ମାନ୍ୟତା ଦେବା ଆଦି ଅଞ୍ଚଳବାସୀଙ୍କ ହକଦାବୀ ରହିଛି । ୫ଟି ସଚିବ ତୁଷୁରା ଗସ୍ତ ପୂର୍ବରୁ ଏହି ଦାବିଗୁଡିକ ପୂରଣକରିବାକୁ ଘୋଷଣା କରନ୍ତୁ , ତେବେ ଆମ୍ଭେ ତାଙ୍କୁ ସ୍ବାଗତ କରିବୁ । ୫ଟି ବୋଲି କିଛି ବିଭାଗ ନାହିଁ, ଯଦି ଥାନ୍ତା ତେବେ ଉକ୍ତ ବିଭାଗରେ ଜଣେ ମନ୍ତ୍ରୀ ଥାଆନ୍ତେ । ବିଜେଡିର କର୍ମୀ ମାନଙ୍କୁ ଠିକା ଯୋଗଦେବା ହିଁ ମୁଖ୍ଯ ଉଦ୍ଦେଶ୍ଯ ବୋଲି ରାଜ୍ୟ ଯୁବ କଂଗ୍ରେସର ସାଧାରଣ ସମ୍ପାଦକ ସୁବ୍ରତ ବେହେରା ମତ ପ୍ରକାଶ କରିଥିଲେ । ଏହି ସମ୍ମିଳନୀରେ କଂଗ୍ରେସ ନଗର ସଭାପତି ରାମେଶ୍ଵର ରଣା, ପୂର୍ବତନ ବ୍ଲକ ସଭାପତି ଶ୍ରୀକାନ୍ତ ବାଗ, ମନବୋଧ ହରପାଳ ଆଦି ମଞ୍ଚାସୀନ ଥିବା ବେଲେ କଂଗ୍ରେସର ଜିଲ୍ଲା ଓବିସି ସେଲର ସଭାପତି ବିଜୟ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।