05-Aug-2023

ଲୋଇସିଂହା, (ବିନୋଦ କୁମାର ଦୀପ) ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ଲୋଇସିଂହାରେ ବିଦ୍ୟାଳୟ ସ୍ତରୀୟ ଜ୍ଞାନ  ବିଜ୍ଞାନ ମେଳା ଉଦ୍ ଯାପିତ ହୋଇଯାଇଛି । ମୁଖ୍ୟ ଅତିଥି ଭାବେ ଅବସରପ୍ରାପ୍ତ  ପ୍ରଧାନଶିକ୍ଷକ ପରମାନନ୍ଦ ସାହୁ ଯୋଗ ଦେଇଥିବା ବେଳେ, ଗୌରୀ ଶଙ୍କର ବେଜ ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ । ଅନ୍ଯତମ ଅତିଥି ଭାବେ  ପରିଚାଳନା ସମିତି ସଭାପତି ବିମଳ ଚରଣ ହୋତା ଏବଂ କୋଷାଧ୍ୟକ୍ଷ ପ୍ରଶାନ୍ତ କୁମାର ବେହେରା ଊପସ୍ଥିତ ରହି କୁନି ବିଜ୍ଞାନୀ ମାନଙ୍କୁ ଉତ୍ସାହିତ କରିଥିଲେ । ଅତିଥି ପରିଚୟ ପ୍ରଧାନ ଆଚାର୍ଯ୍ଯ ଶିବ ପ୍ରସାଦ ବାରିକ କରିଥିଲେ । ଏହି କାର୍ଯ୍ୟକ୍ରମରେ ପ୍ରାକ୍ ଶିଶୁ ବର୍ଗରୁ ୨୩୮ ଟି ପ୍ରକଳ୍ପ, ଶିଶୁବର୍ଗ ୭୦ଟି, ବାଲ ବର୍ଗ ୩୦ଟି ଏବଂ କିଶୋର ବର୍ଗରୁ ୧୭ଟି ପ୍ରକଳ୍ପ,  ମୋଟ ୩୫୫ଟି ପ୍ରକଳ୍ପ ଅଂଶଗ୍ରହଣ କରିଥିବା ବେଳେ, ପ୍ରଶ୍ନ ମଞ୍ଚ, କଥା କଥନ ଏବଂ ନିବନ୍ଧ ପ୍ରତିଯୋଗିତା ମଧ୍ଯ ହୋଇଥିଲା । ବିଜ୍ଞାନ ଆଚାର୍ଯ୍ଯ ନିତ୍ୟାନନ୍ଦ ପଧାନ ଏବଂ ମନିଷା ମହାକୁର କାର୍ଯ୍ୟକ୍ରମ ପରିଚାଳନା କରିଥିଲେ l