05-Aug-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଅଧିନସ୍ଥ କ୍ଷୁଦ୍ର ଜଳସେଚନ ବିଭାଗ ଅଧୀନରେ ଥିବା ନାରାୟଣ ସାଗର ସରପ୍ଲସ ର ୨ ଫୁଟ ଅଧିକ ଉଚ୍ଚତା ବଢ଼ାଇ ଦିଆଯାଇଛି l ଯାହା ଫଳରେ ବର୍ଷା ଦିନରେ ସାଗରର ପାଣି ନିଷ୍କାସନ ହୋଇପାରୁ ନାହିଁ l ସାଗରର ଉପରମୁଣ୍ଡରେ ଥିବା ଚାଷ ଜମି ଗୁଡିକରେ ଦୀର୍ଘଦିନ ଧରି ପାଣି ଜମି ରହୁଛି l ଯାହା ଫଳରେ ଚାଷୀ ଙ୍କୁ କ୍ଷତି ର ସାମ୍ନା ହେବାକୁ ପଡୁଛି l ଏହାକୁ ନେଇ ଚାଷୀ ଙ୍କ ମନରେ ଅସନ୍ତୋଷ ର ମାହୋଲ ଦେଖିବାକୁ ମିଳିଛି l ସରପ୍ଲସ ଉଚ୍ଚତାକୁ କମାଇବା ପାଇଁ ବିଭାଗୀୟ ଅଧିକାରୀ ଙ୍କ ନିକଟରେ ଚାଷୀମାନେ ବାରମ୍ବାର ଦାବୀ କରି ଆସୁଥିଲେ ସୁଦ୍ଧା ଚାଷୀଙ୍କ ସମସ୍ୟା କୁ ବିଭାଗୀୟ ଅଧିକାରୀ କର୍ଣ୍ଣପାତ କରୁନାହାନ୍ତି l

ଗତ କିଛିବର୍ଷ ହେଲା ଚାଷୀମାନେ ଉକ୍ତ ପ୍ରକଳ୍ପ ରୁ ସୁବିଧା ପାଇବା ପରିବର୍ତ୍ତେ କ୍ଷତି ର ସମ୍ମୁଖୀନ ହେବାକୁ ପଡୁଛି l ସୂଚନାରୁ ପ୍ରକାଶ ଯେ କିଛି ବର୍ଷ ପୂର୍ବେ ପୁରୁଣା ସରପ୍ଲସ କୁ ଭାଙ୍ଗି ନୂତନ ସରପ୍ଲସ ନିର୍ମାଣ କରାଗଲା l ହେଲେ ସରପ୍ଲସ ର ଉଚ୍ଚତା ବଢାଇବା ଥିବାର ଜାଣି ସେହି ସମୟରେ ଚାଷୀମାନେ ପ୍ରତିବାଦ କରିଥିଲେ l ହେଲେ ଚାଷୀ ଙ୍କ କଥାକୁ ଗୁରୁତ୍ୱ ନ ଦେଇ ବିଭାଗୀୟ ପକ୍ଷରୁ ନିର୍ମାଣ କରାଯାଇଥିଲା l ବର୍ଷା ଦିନରେ ବନ୍ୟା ପରିସ୍ଥିତି ସୃଷ୍ଟି ହେଲେ ସୁଦ୍ଧା ସାଗରରୁ ପାଣି ନିଷ୍କାସନ କରା ଯାଇପାରୁ ନାହିଁ l ଉପର ମୁଣ୍ଡରେ ଥିବା ଲୋଇସିଂହା, ବୁର୍ଡl, ପନେଶରା ଗ୍ରାମର ପ୍ରାୟ ଦେଢ଼ ଶହ ଏକର ଚାଷ ଜମି ଦିନ ଦିନ ଧରି ପାଣି ଘରରେ ବୁଡି ରହୁଛି l ଚାଷୀ କ୍ଷତି ହେଉଥିବାରୁ ପ୍ରତିକ୍ରିୟା ରଖିଛନ୍ତି ଲୋଇସିଂହା ସମିତି ସଭ୍ୟ ସୁଶୀଲ ପାଣ୍ଡେ, ଶିବ ମେହେର, ପ୍ରଦୀପ ରଣା, ରାଜିନ ରଣା, ଘାସିରାମ ପଧାନ, ସମୀର ବିଶ୍ୱାଳ ପ୍ରମୁଖ l