05-Aug-2023

ବରଗଡ଼: ବରଗଡ ଜିଲ୍ଲା ପାଇକମାଲ ପଞ୍ଚାୟତ ସମିତି ସଭାଗୃହ ଠାରେ ବାତଜ୍ୱର ନିୟନ୍ତ୍ରଣ କୁ ଦୃଷ୍ଟିରେ ରଖି ସାମୁହିକ ଔଷଧ ସେବନ(ଏମ.ଡି.ଏ) ସକାଶେ ଦ୍ୱିତୀୟ ଟାକ୍ସଫୋର୍ସ ବୈଠକ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ଦେବାଶିଷ ସିହ୍ନା ଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି।ଏହି ବୈଠକରେ ପାଇକମାଲ ପଞ୍ଚାୟତ ସମିତିର ଉପାଧ୍ୟକ୍ଷ ଶ୍ରୀଯୁକ୍ତ ସଞ୍ଜିବ କୁମାର ବରିହା,ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଡା:ସୈାମ୍ୟରଞ୍ଜନ ଦାଶ,ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଶିବ ପ୍ରସାଦ ଯୋଶୀ,ସମାଜ ମଙ୍ଗଳ ଅଧିକାରୀ ଶ୍ରୀଯୁକ୍ତ ସୁନିଲ କୁମାର ଭୁଟ,ଶିଶୁ ବିକାଶ ଅଧିକାରୀ ଶ୍ରୀମତୀ ଅନୀତା ପାଣିଗ୍ରାହୀ,ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀଯୁକ୍ତ ତୁଷକୁମାର ଚନ୍ଦ୍ରକାର,ଗୋଷ୍ଠୀ କାର୍ଯ୍ୟକ୍ରମ ପରିଚାଳକ ଶ୍ରୀ ରେବତୀ ମୋହନ ଜେନା,ବି.ଏନ.ଡବ୍ଲୁ ଶ୍ରୀଯୁକ୍ତ ସତ୍ୟଭୂଷଣ ସାହୁ,ସାମ୍ବାଦିକ ସୁରଥ କୁମାର ସାହୁ,ସାମ୍ବାଦିକ ବଡ଼ ସତପଥି ପ୍ରମୁଖ ଅଂଶ ଗ୍ରହଣ କରିଥିଲେ।VBDTS ଶ୍ରୀଯୁକ୍ତ ସାନୁଜ କୁମାର ଦାସ ବାତଜ୍ୱର କାରଣ ନିରାକରଣ ଔଷଧ ସେବନ ଉପରେ ବିସ୍ତୃତ ଭାବରେ ଆଲୋଚନା କରିବା ସହ ଆସନ୍ତା ଅଗଷ୍ଟ ୧୦ ତାରିଖ ଠାରୁ ୧୯ ତାରିଖ ପର୍ଯ୍ୟନ୍ତ ସାମୁହିକ ଔଷଧ ସେବନ ସମଗ୍ର ବ୍ଲକ ଅଞ୍ଚଳରେ କରାଯିବ।ଏଥିରେ ୦ ରୁ ୨ ବର୍ଷର ଶିଶୁ,(କେବଳ ଗର୍ଭବତୀ ଓ ଗୁରୁତର ରୋଗୀଙ୍କୁ ଛାଡି) ସମସ୍ତେ ଏହି ଔଷଧ ସେବନ କରି ପାରିବେ।ଏହାକୁ ସୁଫଳ କରିବା ଦିଗରେ ସମସ୍ତଙ୍କ ସହଯୋଗ ନିତାନ୍ତ ଆବଶ୍ୟକ ବୋଲି ଜନସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ଶ୍ରୀଯୁକ୍ତ ଚନ୍ଦ୍ରକାର ନିବେଦନ କରିଥିଲେ।