05-Aug-2023

ବଲାଙ୍ଗିର (ପ୍ରେରଣା ଖବର ): ଗତ ବିଳମ୍ବିତ ରାତି ପ୍ରାୟ ୩ ଟା ସମୟରେ ବଲାଙ୍ଗିର ଦୂର୍ଗା ମନ୍ଦିର ସାମନା ପାର୍କିଂ ଜୋନ୍ ନିକଟସ୍ଥ  ତିନୋଟି ଦୋକାନରେ ନିଆଁ ଲଗି ପ୍ରାୟ ୫୦/୬୦ ହଜାର ଟଙ୍କାର ଗଦା, କପା ସମାଗ୍ରୀ ଓ ଟିଣ ବକ୍ସ ମନ ଜାଳି ଭସ୍ମୀଭୂତ ହୋଇଯାଇଛି l ଏଥି ସହ ଦୂର୍ଗା ମନ୍ଦିର ପାଖ ଫୁଟପାଥ୍ ରେ ଥିବା ଚିମନି ଭାଟି ପଡ଼ାର ଆନନ୍ଦ ପାତ୍ର ଙ୍କ ଏକ

ଚଷମା ଦୋକାନ ମଧ୍ଯ ଜଳି ଯାଇଛି l  ଆଜି ସକାଳେ ବଲାଙ୍ଗିର ଅଗ୍ନିସମ ବିଭାଗ ଓ ପୋଲିସ ପ୍ରଶାସନ ପହଞ୍ଚି ନିଆଁ କୁ ଆୟତ୍ତ କରିଥିଲେ ମଧ୍ଯ ଦୋକାନର ସବୁ ସମାଗ୍ରୀ ନଷ୍ଟ ହୋଇଯାଇଛି l ତିନି ଦୋକାନର ମିଶି  ଲକ୍ଷାଧିକ ଟଙ୍କା ସମ୍ପତ୍ତି ପୋଡି ପାଉଁଶ ହୋଇଯାଇଛି l କେହି  ଜଣେ ଦୁର୍ବୃତ୍ତ ଜାଣିଶୁଣି ପେଟ୍ରୋଲ୍ ଢାଳି ଦୋକାନକୁ ପୋଡି ଦେଇଥିବା ପ୍ରାଥମିକ ତଦନ୍ତରୁ ଜଣାପଡିଛି l
  ତେବେ ସୂଚନାରୁ ପ୍ରକାଶ ଯେ ,ଦୂର୍ଗା ମନ୍ଦିର ପାଖ ପାର୍କିଂ ଜୋନ୍ (ଏ ବି ଏସ୍ ଏସ୍ ରୋଡ )ନିକଟରେ ମହମ୍ମଦ ଆଜମ୍

ଶେଜ ତକିଆ ଓ ଟିଣ ବlକ୍ସ ଦୋକାନ କରି ନିଜର ଗୁଜୁରାଣ ମେଣ୍ଟାଉ ଥିଲେ l ଆଜମ୍ ଙ୍କ ବାପା ଅମଳରୁ ଏହି ବ୍ୟବସାୟରେ ଏମାନେ ସଂଶ୍ଲିଷ୍ଟ ଥିଲେ l ତେବେ ଏକା ସାଙ୍ଗରେ ତିନୋଟି ଦୋକାନ ପୋଡିବା  ଘଟଣା ପଛରେ କାହାର ସମ୍ପୃକ୍ତି ରହିଛି ଓ କେଉଁ କାରଣ ରୁ ଏପରି କାଣ୍ଡ ଘଟିଛି ତାହାର ଛାନଭିନ୍ କରୁଛି ପୋଲିସ l

ସବୁଠାରୁ ବଡ କଥା ହେଉଛି , ପୋଲିସ ପେଟ୍ରୋଲିଂ କଡାକଡି ହେଉଛି ବୋଲି କୁହାଯାଉଥିବା ବେଳେ ସହର ମଧ୍ୟ ଭାଗରେ ଏପରି ଏକ ଅଭାବନୀୟ ଘଟଣା କିପରି ଘଟିଲା , ସେ ନେଇ ପୋଲିସର କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି ହେଉଛି l