04-Aug-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ): ସୋନପୁର ସ୍ଥିତ  ଉତ୍କଳ ବଳାଶ୍ରମ ରେ ରହୁଥିବା ବାପା, ମା ଛେଉଣ୍ଡ ଚନ୍ଦ୍ରକାନ୍ତି ହାତୀ ଟାଟା ପାୱାର  ଦକ୍ଷିଣାଞ୍ଚଳ   ଓଡିଶା ବିତରଣ ଲିମିଟେଡ ରେ ଡିପ୍ଲୋମା ଇଞ୍ଜିନିୟର ଭାବରେ ନିଯୁକ୍ତି ପାଇଛନ୍ତି |

ବରହମପୁର  ସ୍ଥିତ ଦକ୍ଷିଣାଞ୍ଚଳ  ଟାଟା ପାୱାର କାର୍ଯ୍ୟଲୟରେ ଗତକାଲି ଯୋଗ ଦେଇଛନ୍ତି  କମ୍ପାନୀ ର ଗେଷ୍ଟ ହାଉସ ରେ ରହିବାର ବ୍ୟବସ୍ଥା କରାଯିବା ସହ କମ୍ପାନୀ ଗାଡିରେ  କାର୍ଯ୍ୟଲୟ କୁ ଯିବା ଆସିବା ନିମନ୍ତେ ବ୍ୟବସ୍ଥା ରହିଛି | ପ୍ରଥମ  ଛଅ  ମାସ ପ୍ରବେଶନ ପେରିୟଡ ରହିଛି ଏହି ସମୟରେ 23,788 ଟଙ୍କା ଦରମାର ବ୍ୟବସ୍ଥା ରହିଛି | ଚନ୍ଦ୍ରକାନ୍ତି ଙ୍କୁ ୨୦୨୦ ମସିହାରେ  ଉତ୍କଳ ବଳାଶ୍ରମ ରେ ଥଇଥାନ କରଯାଇଥିଲା ତରଭା ବ୍ଲକ ବଘିଆ ମୁଣ୍ଡା ର ଚନ୍ଦ୍ରକାନ୍ତି ସରକାରୀ ପୋଲିଟେକନିକ  ସୋନପୁର ଠାରୁ ଇଲେକଟ୍ରିକାଲ ଟ୍ରେଡ ରେ ଡିପ୍ଲୋମା ହାସଲ କରିଛନ୍ତି ତା ପୂର୍ବ ରୁ ବରଗଡ଼ରେ ଆଇ ଟି ଆଇ ଶିକ୍ଷା ସମାପ୍ତ କରିଛନ୍ତି| ତାଙ୍କର ଏହି ସଫଳତା ପାଇଁ ସେ ଜିଲ୍ଲାପାଳ , ଅତିରିକ୍ତ ଜିଲ୍ଲାପାଳ ତଥା ଜିଲ୍ଲା ଶିଶୁ ସୁରକ୍ଷା ଅଧିକାରୀ ଙ୍କୁ କୃତଜ୍ଞତା ଜଣାଇଛନ୍ତି | ନିଜ ଉପାର୍ଜିତ ଅର୍ଥରେ ନିଜ ସାନ ଭଉଣୀ ଙ୍କୁ ପାଠ ପଢାଇ ବି ବୋଲି ଆଶା ରଖିଛନ୍ତି | ସାନ ଭଉଣୀ ମଧ୍ୟ  ଉତ୍କଳ ବଳାଶ୍ରମ ରେ ବର୍ତମାନ ରହୁଛି |