02-Aug-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ବାଦିମୁଣ୍ଡା ପଂଚାୟତ ଅଧିନସ୍ଥ ବିରକେଲ ଗ୍ରାମ ଆଜି ଜଳମଗ୍ନ ଅବସ୍ଥାରେ l ସୂଚନା ରୁ ପ୍ରକାଶ ଯେ ଲଘୁଚାପ ଯୋଗୁଁ ବର୍ତମାନ ସମୟରେ ଚାରିଆଡେ ପ୍ରବଳ ବର୍ଷା ଲାଗି ରହିଛି l ବର୍ଷା ଯୋଗୁଁ ଅନେକ ସ୍ଥାନରେ ଯାତାୟତ ସେବା ଠପ ହେବାସହ  ଅନେକ ଗ୍ରାମ ଏବେ ଜଳମଗ୍ନ ଅବସ୍ଥାରେ l ଏଣୁ ଲୋକଙ୍କ ଦୁର୍ଦଶା ନ କହିଲେ ଭଲ l ଏହି ପରିପ୍ରେକ୍ଷୀରେ ବିରକେଲ ଗ୍ରାମରେ ସମାନ ଅବସ୍ଥା l ଗ୍ରାମର ପାଖରେ ଲାଗି ରହିଛି ମହାଲିଙ୍ଗ କଁଟା, ଯାହାକି ବର୍ଷା ସମୟରେ ବାହାର ପାଣି ହିଡ଼ଦେଇ ପ୍ରବେଶ କରିଥାଏ ଉକ୍ତ କଁଟା ରେ l ହେଲେ କିଛି ଅସାଧୁ ବ୍ୟକ୍ତି ଏହି ହିଡ଼ ବାଟେ ପ୍ରବେଶ କରୁଥିବା ପାଣିକୁ ମାଟି ତାପି ଦେବା ଫଳରେ ପାଣି ସବୁ ବିରକେଲ ଗ୍ରାମକୁ ଚାଲି ଆସିଛି ଯାହା ଫଳରେ ବିରକେଲ ଗ୍ରାମ ର ଘର ଗୁଡିକ ଏବେ ଜଳମଗ୍ନ l ଘର ଭୁଶୁଡିଯିବା ଭୟରେ ଆଜି ବିରକେଲ ଗ୍ରାମବାସୀ ତହସିଲ୍ଦାର ଙ୍କ ଦ୍ୱାରସ୍ତ ହୋଇଛନ୍ତି l ତହସିଲଦାର ସୁଶ୍ରୀ ସଂଘମିତ୍ରା କାଲୋ ଅଫିସିଆଲ କାର୍ଯ୍ୟରେ ଅନ୍ୟତ୍ର ଯାଇଥିବା ବେଳେ ଘଟଣା ବିଷୟରେ ଜାଣିବା ପାଇଁ ଆର. ଆଇ ପହଂଚିଥିଲେ ବିରକେଲ ଗ୍ରାମରେ l ଅଭିଯୋଗକାରୀ ହେଲେ ଗ୍ରାମର ରଘୁନାଥ ପଟେଲ, ବନିତା ପଟେଲ, ଦୁର୍ଗାପ୍ରସାଦ ପଟେଲ, ନିଲକାନ୍ତି ପଟେଲ, ସାଧୁରାମ ପଟେଲ, ବେଦମତୀ ପଟେଲ, ବିଭୁତିଭୂଷଣ ପଟେଲ, କୁମଦିନି ପଟେଲ, ପଞ୍ଚାନନ ବଗର୍ତି, ସାବିତ୍ରୀ ପଟେଲ, ତୁଳସୀ ପଟେଲ ପ୍ରମୁଖ l