03-Aug-2023

ନୂଆଁପଡ଼ା : ଅନେକ ଅଞ୍ଚଳରେ ଜଳର ଅଭାବ ଯୋଗୁଁ ଲୋକେ ଦୈନନ୍ଦିନ ର ବ୍ୟବହାର ଓ ଚାଷ କରିବା ପାଇଁ ହନ୍ତସନ୍ତ ହେଉଥିବା ବେଳେ,ଏହାର ବିପରୀତ ଦୃଶ୍ୟ ଦେଖିବାକୁ ମିଳିଛି ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଫରସରା ପଞ୍ଚାୟତ ସ୍ଥିତ ରାଜପୁର ଗ୍ରାମରେ।ସୂଚନା ଅନୁସାରେ ରାଜପୁର ଗ୍ରାମର ଟୋଲିରାମ ଜଗତ ନିଜ ସାତ ପରିବାର ସହ ହସଖୁସି ରେ ଚଳି ଆସୁଥିବା ବେଳେ  ଲଗାଣ ବର୍ଷା ଯୋଗୁଁ  ଗୃହ ପରିସରକୁ ମାଡ଼ି ଆସୁଛି ପାଣି।ଯାହାଫଳରେ ତାଙ୍କ ପରିବାର ବର୍ଗ କୁ ନିଜ ଘର କାମ କରିବା ଓ ତାଙ୍କ ଦୁଇଟି ନାତିଙ୍କୁ ବିଦ୍ୟାଳୟକୁ ଯିବା ଆସିବା ସହ ଅନେକ ସମସ୍ୟା ହେଉଅଛି। ସରକାରଙ୍କ ମାଲ ମାଲ ଯୋଜନା ରହିଥିବା ବେଳେ,ବର୍ତ୍ତମାନ ପର୍ଯ୍ୟନ୍ତ ତାଙ୍କ ଘରକୁ ଯିବା ଆସିବା ପାଇଁ ସରକାରଙ୍କ ତରଫରୁ କୌଣସି ରାସ୍ତା ନିର୍ମାଣ କରାଯାଇ ନାହିଁ।ଘରର କିଛି ଦୂର ବାଟରେ

ସରକାରଙ୍କ ତରଫରୁ ବିଜୁ ଏକ୍ସପ୍ରେସ ର ଚାରି ରାସ୍ତା ନିର୍ମାଣ ହୋଇଅଛି ହେଲେ,ସେହି ରାସ୍ତା ସାମ୍ନାରେ ତାହାର ନଗ୍ନ ଚିତ୍ର ଦେଖିବାକୁ ମିଳିଛି।କାରଣ ତାଙ୍କ ଘରକୁ ଯିବା ପାଇଁ ଯିବା ପାଇଁ କୌଣସି ସ୍ଥାୟୀ ରାସ୍ତା ନାହିଁ।ଏଭଳିକି କିଛି ଦିନ ପୂର୍ବେ ବୋଡ଼େନ ଅଞ୍ଚଳର ଚାଷୀ ମାନେ ଜଳର ଅଭାବ କୁ ନେଇ ବିକ୍ଷୋଭ ପ୍ରଦର୍ଶନ କରିଥିଲେ।କିନ୍ତୁ ଲଗାଣ ବର୍ଷା ର ପାଣି ଘରକୁ ପଶୁଛି।ତେଣୁ ଉକ୍ତ ଘଟଣା ର ସଠିକ୍ ତଦନ୍ତ କରି ଏକ ଆବଶ୍ୟକ ପଦକ୍ଷେପ ନେବାକୁ ପରିବାର ଲୋକେ ଦାବି କରିଛନ୍ତି।ବର୍ତ୍ତମାନ ଦେଖିବାକୁ ବାକି ରହିଲା ଖବର ପ୍ରସାରଣ ପରେ କେତେ ଶୀଘ୍ର  ଉକ୍ତ ପଞ୍ଚାୟତ ର କାର୍ଯ୍ୟରତ ସରପଞ୍ଚ ତଥା ବିଭାଗୀୟ ଅଧିକାରୀ ସଠିକ୍ ପଦକ୍ଷେପ ନେଉଛନ୍ତି