25-Jul-2023

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା କ୍ରୀଡା ସଂଘ ତରଫରୁ ପ୍ରଥମ କରି ଜିଲ୍ଲାସ୍ତରୀୟ ସୁପର ଲିଗ୍ ଫୁଟବଲ ଅନୁଷ୍ଟିତ ହେବ ।ଏଥିପାଇଁ ଆଜି ଅପରାହ୍ନରେ ସ୍ଥାନୀୟ ବିନିକା ସ୍ପୋର୍ଟସ କ୍ଲବ ଠାରେ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।ଏଥିରେ ଜିଲ୍ଲା ଏଥେଲେଟିକ ଏସୋସିଏସନ ସାଧାରଣ ସମ୍ପାଦକ ପୀୟୂଷ କୁମାର ପଣ୍ଡା,ଫୁଟବଲ ସମ୍ପାଦକ ରଞ୍ଜୁ କୁମାର ସାହୁ,କାର୍ଯ୍ୟକାରୀ କମିଟି ସଦସ୍ୟ ଦିଲ୍ଲୀପ କୁମାର ଗୁରୁ,ଗୌରୀଶ୍ୟାମ ପଣ୍ଡା,କୃଷ୍ଣ କୁମାର ବାଗ,କଳିମ୍ ମହମ୍ମଦ,ପୁରେନ୍ଦ୍ର ନାଏକ,ବିକାଶ ପଣ୍ଡା,ରାଜୀବ ପଟ୍ଟନାୟକ ପ୍ରମୁଖ ଯୋଗଦେଇ ଗ୍ରାମାଞ୍ଚଳ ତଥା ସହରାଞ୍ଚଳ ରୁ ପ୍ରତିଭା ଅନ୍ନେଷନ ତଥା ପରବର୍ତ୍ତୀ ସମୟରେ ଫୁଟବଲ ଖେଳରେ ଭାଗନେଇ ଉଚ୍ଚତର ଖେଳ ପ୍ରଦର୍ଶନ କରି ରାଜ୍ୟ ତଥା ଜାତୀୟ ସ୍ତରରେ ଭାଗନେଇ ପାରିବେ ସେ ଦିଗରେ ଉପସ୍ଥିତ ଖେଳାଳୀ ମାନଙ୍କୁ ପରାମର୍ଶ ଦେଇଥିଲେ ।ଆଗାମୀ ଦିନରେ ଜିଲ୍ଲା ସ୍ତରରେ ହେବାକୁ ଥିବା ଫୁଟବଲ ସୁପର ଲିଗ୍ ପାଇଁ ପ୍ରସିଦ୍ଧ ଶୈବପୀଠ ଚରଦା ହାଇସ୍କୁଲ ପଡ଼ିଆରେ  ବିନିକା ବ୍ଲକ ସ୍ତରୀୟ ଜୋନ ପାଇଁ ସର୍ବସମ୍ବତି କ୍ରମେ ପ୍ରସ୍ତାବ ନିଆଗଲା ।ଏହି ଜୋନରେ ବ୍ଲକର ବିଭିନ୍ନ ପଂଚାୟତ ତଥା ଏନଏସି ଅଞ୍ଚଳରୁ ଖେଳାଳୀ ମାନେ ନିଜର ନାମ ପଞ୍ଜିକରଣ କରି ଭାଗନେଇ ପାରିବେ। ଜୋନ ସ୍ତରୀୟ ଚମ୍ପିୟାନ ଦଳ ଜିଲ୍ଲା ସ୍ତରୀୟ ସୁପର ଲିଗ୍ ରେ ଭାଗନେବ । ଏନେଇ ବ୍ଲକ ଆବାହକ ଜିତେନ୍ଦ୍ରିୟ ଥନାପତି ଉପସ୍ଥିତ ଟିମ୍ ମ୍ୟାନେଜର ଓ କୋଚ ମାନଙ୍କୁ ପ୍ରତିଯୋଗିତା ପରିଚାଳନାର ନିୟମାବଳୀ ଉପରେ ଆଲୋକପାତ କରିଥିଲେ।ଅନ୍ୟ ମାନଙ୍କ ମଧ୍ୟରେ ଖେଳ ଶିକ୍ଷକ ନରସିଂହ ସେଠୀ,ବାବୁଲାଲ ସାହୁ,ସୁକାନ୍ତ ବାଘ,ବିକାଶ ଭୋଇ,ଶଶିଭୂଷଣ ରାଉତ,ପପୁନ କଣ୍ଟା,ଚିକୁ ବଡ଼ପଣ୍ଡା,ସୁମିତ ମହାଲିଂ,ଧର୍ମେନ୍ଦ୍ର ସା ପ୍ରମୁଖ ଆଲୋଚନାରେ ଭାଗ ନେଇଥିଲେ ।ଶେଷରେ ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସ ଧନ୍ୟବାଦ ଅର୍ପଣ କରିଥିଲେ।