23-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ବରପାଲି ବିଭିନ୍ନ ଅଞ୍ଚଳରେ ଭାରତୀୟ ଜନତା ପାର୍ଟିର ତୁଙ୍ଗନେତା ଜମିଦାର ଶ୍ରୀମାନ ସନତ କୁମାର ଗଡତୀୟାଙ୍କ ନେତୃତ୍ୱରେ ଜନସମ୍ପର୍କ ଯାତ୍ରା ସହ ଏକ ବୈଠକ ଅନୁଷ୍ଠିତ ହୋଇଯାଇଛି।ଭାରତ ସରକାରଙ୍କ ନୀତି, ବିକାଶ ମୂଳକ ଯୋଜନା,ଭିତ୍ତିଭୂମି ନିର୍ମାଣ,ଶିକ୍ଷା,ସ୍ୱାସ୍ଥ୍ୟ,ପ୍ରାକୃତିକ ବିପର୍ଯ୍ୟୟ ମୁକାବିଲା ସହିତ ଓଡ଼ିଆ ଲୋକଙ୍କୁ ଜାତୀୟ ସ୍ତରରେ ସ୍ୱିକୃତି ପ୍ରଦାନକୁ ପ୍ରାଧାନ୍ୟ ଦେଉଛନ୍ତି।ବିଗତ ୯ବର୍ଷ ଶାସନ କାଳରେ ପ୍ରଧାନମନ୍ତ୍ରୀଙ୍କ ନେତୃତ୍ୱ,କର୍ତ୍ତବ୍ୟ ପ୍ରତି ଅବିଚଳିତ,ପ୍ରତିବଦ୍ଧତା ଦେଶର ବିକାଶକୁ ନୂଆ ପରିଭାଷା

ଦେଇଛି।ପୁଣି ଦେଶରେ ସେବା, ସୁଶାସନ,ଐତିହ୍ୟ ଏବଂ ବିକାଶ ତଥା ଗରିବ କଲ୍ୟାଣର ଏକ ଧାରା ପ୍ରବାହିତ ହୋଇଛି ବୋଲି ବରିଷ୍ଠ ନେତା ଶ୍ରୀ ଗଡତୀୟା ଏଇ ବୈଠକରେ ମତବ୍ୟକ୍ତ ସହ ଜନସମର୍ଥନ ଲୋଡିଥିଲେ।ମଣ୍ଡଳ ସଭାପତି‌ ଧିରୋଜ ପଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକ ପରେ ସାଂସଦ ପ୍ରତିନିଧି ମହେଶ କୁମାର ଦେବତା,ନରେନ୍ଦ୍ର ଦେହେରୀ ପ୍ରମୁଖ ରେମତା,କାଇଁଶିର,ଲଟାକେରା ପ୍ରମୁଖ ଗ୍ରାମ ମାନଙ୍କୁ ଯାଇ ଘରକୁ ଘର ବୁଲି ମୋଦୀଜୀ ଙ୍କ ଦେଶର ପ୍ରଗତି ତଥା ତାଙ୍କ ୯ବର୍ଷର ସଫଳତାର ପତ୍ର ବଣ୍ଟନ କରିଥିଲେ।