22-Jul-2023

କଟକ (ପ୍ରେରଣା ଖବର )::ରାଜନୀତି ରୁ ଉର୍ଦ୍ଧରେ ରହି ନିଜ କର୍ତ୍ତବ୍ୟ କରିବା, ନିର୍ଯାତିତ ନିଷ୍ପେସିତ ମହିଳା ଙ୍କୁ ନ୍ୟାୟ ପ୍ରଦାନ ପୂର୍ବକ ମହିଳାଙ୍କୁ ସୁରକ୍ଷା ଯୋଗାଇଦେବା ପାଇଁ ଦାବି କରି ଆଯି କଟକ ସ୍ଥିତ ଯୁଡ଼ିସିଆଲ ଏକାଡେମୀ  ନିକଟରେ ରାସ୍ତା କଡ ଛକ ଉପରେ ମିଲିତ ସଙ୍ଗଠନର  ମହିଳା ମାନେ  ଏକତ୍ରିତ ହୋଇ ମହମବତୀ ଜଳାଇ ନୀରବ ପ୍ରତିବାଦ ଜଣାଇଥିଲେ।।

ନିକଟରେ ମଣିପୁର ରୁ ଆସିଥିବା ଏକ ଭିଡ଼ିଓ ସମଗ୍ର ଦେଶବାସୀଙ୍କୁ ଗଭୀର ଭାବେ ମର୍ମାହତ କରିଥିଲା।। ଶତାଧିକ କୁକି ମହିଳାଙ୍କ ପ୍ରତି ହୋଇଥିବା ଅକଥନୀୟ ନିର୍ଯାତନା ସମ୍ପର୍କ ରେ ସମ୍ବାଦ ପତ୍ର ରେ ଯାହା ପ୍ରକାଶ ପାଇଛି ତାହା ସଭ୍ୟ

ଶିକ୍ଷିତ ସମାଜ ର ଛାତି ଥାରାଇଦେଲl ଭଳି ଘଟଣା।। ଆଜି ଯେତେବେଳେ ସମଗ୍ର ଭାରବର୍ଷ ଚନ୍ଦ୍ରlୟନ ସଫଳ ଯାତ୍ରା କରିଛି ବୋଲି ଗର୍ବ କରୁଛି 
ଠିକ୍ ସେହି ସମୟରେ ଅଭଳୀ ଏକ ହ୍ରୁଦୟ ବିଦାରକ, ଜଘନ୍ୟ, ବର୍ବୋରଚିତ ମହିଳl ହିଂସା ମହିଳl ଙ୍କ ଅଧିକାରକୁ ଉଲ୍ଲଂଘନ କରିବା ସହ ଦେଶର ମହିଳାଙ୍କୁ ଅପମାନିତ, ବ୍ୟଥିତ ଓ ଲଜ୍ଜିତ କରିଛି।। ଗଣତନ୍ତ୍ର ପ୍ରତି ଏହା ଏକ ବିରାଟ ଆହ୍ବାନ।। ଆଜି ମାନବିକତା କ୍ଷତ ବିକ୍ଷତ ଓ ପରାଜିତ ମନେ ହେଉଛି।। ମହିଳାଙ୍କ ଶରୀର କାହିଁକି ବ୍ୟବହୃତ ହେବ ଯୁଧ୍ୟାଭୂମି ଭାବରେ।। ଆମେ ଏତେ କ୍ଷମତା ସମ୍ପନ୍ନ ହୋଇ ମହିଳାଙ୍କ ପାଇଁ ଏତେ ଆଇନ୍ ଥିବା ସତ୍ତ୍ବେ କାହିଁକି ସେମାନଙ୍କୁ ସୁରକ୍ଷା ଯୋଗାଇ ଦେଇ ଅପରାଧୀ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରିପାରୁନୁ।।ମହିଳା ମାନଙ୍କୁ ସୁରକ୍ଷା ପ୍ରଦାନ ପୂର୍ବକ ବ୍ୟବସ୍ଥା କୁ ସୁଦୃଢ କରିବାକୁ ତୁରନ୍ତ ପଦକ୍ଷେପ ଗ୍ରହଣ କରାଯlଉ ।।

ଏହି ବାର୍ବୋରଚିତ ଘଟଣା କୁ ପ୍ରତିବାଦ କରି ବିଭିନ୍ନ ମହିଳା ସଙ୍ଗଠନ ଯଥା ଓଡ଼ିଶା ନାରୀ ସେବା ସଂଘ, ଉତ୍କଳ ମହିଳା ସମିତି,ପ୍ରୋଜେକ୍ଟ ସ୍ବରାଜ, ବସୁନ୍ଧରା, ଅlସ୍ଵସ୍ଥି  ଫାଉଣ୍ଡେସନ, ଅମ୍ବିକା ଫାଉଣ୍ଡେସନ, କଟକ ସେବା ଫାଉଣ୍ଡେସନ, ଦି ସଂସ୍କାର, ସେୱା ନାଓ, ଟିକିଦୁନିଆ, ସ୍ୱୟ ଶ୍ରି, ଆମ୍ବେଦ କର ମହିଳା ସଙ୍ଗଠନ ଅସପାୟର ଟ୍ରଷ୍ଟ, ର ପ୍ରତିନିଧି ମାନେ ଏକତ୍ରିତ ହୋଇ ପ୍ରତିବାଦ ସମାବେଶ ରେ ଅଂଶ ଗ୍ରହଣ କରିଥିଲେ।। ସାମାଜିକ କର୍ମୀ ଡଲି ଦାଶ, ସର୍ମିଠl ନାଥ, ମୀରା ବେଉରା, ରିନି ମହାନ୍ତି, କଲ୍ୟାଣୀ ସାହାଣୀ, ମିନାକ୍ଷୀ ପଣ୍ଡା, ନୟନା ନାୟକ ପ୍ରମୁଖ ସମାବେଶ କାର୍ଯକ୍ରମକୁ ପରିଚଳନl କରିଥଲେ।।