21-Jul-2023

ବଲାଙ୍ଗୀର(ଦେବାଶିଷ ବହିଦାର)ବଲାଙ୍ଗିର ଜିଲା ପୁଇଁନ୍ତଲା ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମ ପରିଦର୍ଶନ କରିଛନ୍ତି ପୁଇଁନ୍ତଳା ବ୍ଲକ ଅଧ୍ୟକ୍ଷ ସରୋଜ ପ୍ରଧାନ । ଏହି କ୍ରମରେ ଶ୍ରୀ ପ୍ରଧାନ ଆଜି ରଣ୍ଡା, ପଥର୍ଲା ଓ ଛତାପିପଲ ଆଦି ପଂଚାୟତର ବିଭିନ୍ନ ଗ୍ରାମ ପରିଦର୍ଶନ କରି ଲୋକଙ୍କ ଅଭାବ ଅସୁବିଧା ବୁଝିଥିଲେ । ବିଭିନ୍ନ ପଂଚାୟତ ଗୁଡିକରେ ରାଜ୍ୟ ସରକାରଙ୍କ ‘ଆମ ଓଡ଼ିଶା ନବୀନ ଓଡ଼ିଶା’ ଯୋଜନାର ଉପଯୋଗୀତା ସଂପର୍କରେ ଆଲୋଚନା ହୋଇଥିଲା । ସରକାରଙ୍କ ଯୋଜନାର ସୁଫଳ ଯେପରି ସମସ୍ତ ପାଇ ପାରିବେ ସେ ନେଇ ବ୍ଲକ ଅଧ୍ୟକ୍ଷ ଜୋର୍ ଦେଇଥିଲେ ।  ନିଜ ଅଂଚଳର ବିକାଶ ପାଇଁ ବ୍ଲକ ଅଧ୍ୟକ୍ଷ ଶ୍ରୀ ପ୍ରଧାନ ସବୁବେଳେ ତତ୍ପରତା ଦେଖାଇ ଆସିଛନ୍ତି । ପୁଇଁତଳା ବ୍ଲକ ଅଧ୍ୟକ୍ଷଙ୍କ ମହାନତାକୁ ସମସ୍ତେ ପ୍ରଶଂସା କରୁଥିବା ବେଳେ ବିଭିନ୍ନ ପଂଚାୟତ ରେ ଘର ଘର ବୁଲି ସେ ସାଧାରଣ ଲୋକଙ୍କ ଦୁଃଖ ବୁଝୁଛନ୍ତି । ବ୍ଲକ ଅଧ୍ୟକ୍ଷ ଙ୍କ ଗସ୍ତ ସମୟରେ ବହୁ ଦଳୀୟ କର୍ମୀ ଓ ଗ୍ରାମବାସୀ ସାମିଲ ହୋଇଥିଲେ ହୋଇଥିଲେ ।