20-Jul-2023

ନୂଆପଡା(ଡୋଲେଶ୍ୱର ବାଗ )- କାଳ ସାଜିଛି ବିଜୁ ଏକ୍ସପ୍ରେସ ୱେ ,କେତେବେଳେ ଅଜଣା ଗାଡ଼ି ତ ଆଉ କେତେବେଳେ ନିଜ ଗାଡ଼ି ପୁଣି କେତେବେଳେ ବାଡ଼ା ବାଡ଼ି ହୋଇଯାଉଛନ୍ତି ଅନେକ ଗାଡ଼ି  l ଫଳରେ ମୂଲ୍ୟବାନ ଜୀବନ ହରାଇବାକୁ ପଡୁଛି ।କେତେବେଳେ ଜୀବନ ଯାଉଛି ତ ପୁଣି କେତେବେଳେ ଦୁର୍ଘଟଣାରେ ବିକଳାଙ୍ଗ ହେବାକୁ ବାଧ୍ୟ କରୁଛି କାଳ ।କଳାହାଣ୍ଡି ଓ ନୂଆପଡା ଜିଲ୍ଲାକୁ ସଂଯୋଗ କରୁଥିବା ଏହି ରାସ୍ତାକୁ ରାସ୍ତା ପାର୍ଶ୍ଵମାନଙ୍କରେ ଥିବା ମଦ ଭାଟି ଗୁଡ଼ିକ ରାସ୍ତାର ସୋନ୍ଦର୍ଯ୍ୟ ବଢ଼ାଇଛି ନା ବିପଦକୁ ଆମନ୍ତ୍ରଣ କରିବାରେ ସହାୟକ ହେଉଛି ।ବୁଝିବା ଭାରି କଷ୍ଟ । ପ୍ରତିଦିନ ଏହି ରାସ୍ତାରେ ଦୁର୍ଘଟଣା ଘଟେ ।କିଏ ଅଳ୍ପକେ ବର୍ତ୍ତୁଛି ତ ଆଉ କିଏ ମୃତ୍ୟୁ ତାଲିକାରେ ନାମ ଲେଖାଇବାକୁ ବାଧ୍ୟ ହେଉଛି ।ପୁଣି ଏକ ସଡ଼କ ଦୁର୍ଘଟଣା ଘଟିଛି ବୋଡ଼େନ ବ୍ଲକ ଜାମଗାଁ ର ଜଗବନ୍ଧୁ ନାଗଙ୍କ ସହିତ । ନିତିଦିନ ଭଳି ସେ ଛତା ଧରି ରାସ୍ତାର ଅନ୍ୟ ପାର୍ଶ୍ୱକୁ ଶୌଚ ପାଇଁ ଯିବା ସମୟରେ ପଛ ପଟୁ ଦୃତ ବେଗରେ ଆସୁଥିବା ଏକ ଅଜଣା ଗାଡ଼ି ଧକ୍କା ଦେବାରୁ ଜଗବନ୍ଧୁ ଛିଟିକି ପଡ଼ିଲେ ହେଲେ ସେ ଆଉ ଉଠିଲେ ନାହିଁ, ସବୁଦିନ ପାଇଁ ଚାଲିଗଲେ ଆରପାରିକୁ । ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଗଲା । ସୂଚନା ପାଇବା କ୍ଷଣି ବୋଡ଼େନ ପୋଲିସ ଘଟଣା ସ୍ଥଳରେ ପହଞ୍ଚି ଶଵ ବ୍ଯବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଥିଲେ l