19-Jul-2023

ଲୋଇସିଂହା, (ବିନୋଦ କୁମାର ଦୀପ) ଆଜି ଲୋଇସିଂହା ବ୍ଲକ ଅନ୍ତର୍ଗତ ଝାରମୁଣ୍ଡା ପଞ୍ଚାୟତ ସଭା ଗୃହରେ, ଲୋଇସିଂହା ଓମେନ୍ ଫାର୍ମର ପ୍ରଡ୍ୟୁସର କମ୍ପାନୀ ତରଫରୁ ଏକ ଦିବସୀୟ ବିହନ ମନ୍ଥନ କାର୍ଯ୍ୟକ୍ରମ ଆୟୋଜିତ ହୋଇଥିଲା I ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଶ୍ରୀମତୀ ମଧୁଶ୍ମୀତା ବିଶ୍ୱାଳ (ଓଡିଶା ଜୀଵିକା ମିଶନ) ଏବଂ ସମ୍ମାନିତ ଅତିଥି ରୂପେ ଶ୍ରୀମତୀ ବନିତା ମେହେର (ଝାରମୁଣ୍ଡା ସରପଞ୍ଚ), ଶ୍ରୀଯୁକ୍ତ ବାଲକୃଷ୍ଣ ଧରୁଆ (ଏମଆଇପି ଅଧ୍ୟକ୍ଷ),  ଶ୍ରୀଯୁକ୍ତ ଦେବୀ ପ୍ରସାଦ ମହାପାତ୍ର (IRRI), ଶ୍ରୀଯୁକ୍ତ ଦିଲୀପ ରାଉତ (IRRI), ଶ୍ରୀ ବିଶ୍ଵରଞ୍ଜନ ସାହୁ (IRRI), ଶ୍ରୀମତି ମମତା ପାଣ୍ତେ (ADWFSPCL) ଯୋଗଦେଇଥିଲେ I ଲୋଇସିଂହା ଓମେନ୍ ଫାର୍ମର ପ୍ରଡ୍ୟୁସର କମ୍ପାନୀ ର ଉପାଧ୍ୟକ୍ଷା ଶ୍ରୀମତୀ ଜୁଲି ପ୍ରଧାନ ,ସୁମନ୍ତ ବିଶ୍ୱାଲ (LWFSPCL), ଉକ୍ତ କାର୍ଯ୍ୟକ୍ରମକୁ ଆଗେଇ ନେଇଥିଲେ I ଏହି କାର୍ଯ୍ୟକ୍ରମରେ ଲୋଇସିଂହା ଅନ୍ତର୍ଗତ ୧୨ ଗୋଟି ପଞ୍ଚାୟତର ଚାଷୀ ଯୋଗଦେଇ କାର୍ଯ୍ୟକ୍ରମର ଉଦେଶ୍ୟ ଯାହା ଉତ୍ତମ ଗୁଣ ମାନର ବିହନ ର ଉତ୍ପାଦନ କରି, ଅଭାବୀ ଧାନ ବିକ୍ରି କୁ ବିହନରେ ପରିଣତ କରିବା, ଚାଷୀଙ୍କୁ ନୂତନ ଜ୍ଞାନ କୌଶଳ ବିଷୟରେ ସୂଚନା, ସରକାରୀ ସୁବିଧା ସୁଯୋଗକୁ ଚାଷୀଙ୍କୁ ଅବଗତ କରାଇବା ଇତ୍ୟାଦି ବିଷୟ ପ୍ରତି ଦୃଷ୍ଟିପାତ କରାଯାଇଥିଲା I

ଫାର୍ମର ପ୍ରଡ୍ୟୁସର କମ୍ପାନୀ ମାଧ୍ୟମରେ ଏହି ବ୍ୟବସାୟ ରେ ମହିଳା ମାନଙ୍କ ଭୂମିକା ଗୁରୁତ୍ୱପୂର୍ଣ ଓ ଏହା ଆଗାମୀ ଦିନ ରେ ମହିଳା ଚାଷୀ ମାନଙ୍କ ଜିବୀକା କୁ ସୁଦୃଢ କରିବାର ଏକ ବୈପବ୍ଳିକ ପଦକ୍ଷେପ ବୋଲି IRRI ର ମୁଖ୍ୟ ଅତିଥି ଶ୍ରୀଯୁକ୍ତ ଦିଲୀପ୍ କୁମାର ରାଉତ୍ ସମସ୍ତ ଙ୍କୁ ଅବଗତ କରାଇଥିଲେ l ସୂଚନା ଯୋଗ୍ୟ ଯେ ଆଗାମୀ ଖରିଫ ୨୦୨୩ରୁ ୯୧ ଜଣ ମହିଳା ଚାଷୀଙ୍କୁ ନେଇ ୨୫୦୦ କ୍ୱିଣ୍ଟାଲ ଉତ୍ପାଦନ କରିବାର ମହିଳା ଚାଷୀ ସଂଗଠନ ଲକ୍ଷ ରଖିଛି I ମହିଳା ଚାଷୀ ସଂଗଠନ ଠିକ ସମୟରେ ଚାଷୀମାନଙ୍କୁ ଧାନ ବିହନ, ରାସାୟନିକ ସାର, ଆଧୁନିକ ଏବଂ ବୈଜ୍ଞାନିକ ଚାଷ ପ୍ରଣାଳୀ, ରୋଗ ପୋକ ନିୟନ୍ତ୍ରଣ କରିବାର ତାଲିମ ଇତ୍ୟାଦିକୁ ସର୍ଭିସ ମାଧ୍ୟମରେ ଯୋଗାଇ ଦିଆଯାଉଛି ବୋଲି କାର୍ଯ୍ୟକ୍ରମ କୁ ସଂଚାଳନ କରୁଥିବା  ମୋହସୀନ ଖାଁ (ଏସେସ ଲାଇଭଲିହୁଡ୍ସ) ଦର୍ଶାଇ ଥିଲେ l ଏହାସହ ଉକ୍ତ କାର୍ଯ୍ୟକ୍ରମ ରେ ଚାଷୀ ଏବଂ ଚାଷୀ କମ୍ପାନୀ ମଧ୍ୟରେ ଥିବା ବିଭିନ୍ନ ଦ୍ଵନ୍ଦ ଓ ପ୍ରଶ୍ନ କୁ ଆପୋଷ ଆଲୋଚନା କରାଯାଇ ଉତ୍ତର ଦିଆଯାଇଥିଲା l