18-Jul-2023

ବଲାଙ୍ଗିର (ପ୍ରେରଣା ଖବର ବ୍ୟୁରୋ ): ବଲାଙ୍ଗିର ର ସମାଜସେବୀ ତଥା ଯୁବ ବ୍ୟବସାୟୀ ସର୍ବାଶିଷ ମହାପାତ୍ରଙ୍କ ଗତକାଲି ବିଳମ୍ବିତ ରାତିରେ ପରଲୋକ ଘଟିଛି l ମୃତ୍ୟୁ ବେଳକୁ ତାଙ୍କୁ ମାତ୍ର ୫୧ ବର୍ଷ ହେଉଥିଲା l ଗତ କିଛି ଦିନ ଧରି ସର୍ବlଶିଷ ଜଏଣ୍ଡିସ୍ ରୋଗରେ ପୀଡିତ ହୋଇ ସ୍ଥାନୀୟ ସ୍ଵରାଜ ହସ୍ପିଟାଲ ରେ ଚିକିତ୍ସାଧୀନ ଥିଲେ l ହସ୍ପିଟାଲରେ ଡାକ୍ତରଙ୍କ ସମସ୍ତ ପ୍ରଚେଷ୍ଟା ସତ୍ତ୍ୱେ ଗତକାଲି ରାତି ପ୍ରାୟ ୨ ଟା ସମୟରେ ତାଙ୍କର ପ୍ରାଣବାୟୁ ଉଡିଯାଇଥିଲା l  ସର୍ବାଶିଷ ଜଣେ ସରଳ ଓ ନିଷ୍କପଟ ମଣିଷ ଭାବରେ ପରିଚିତ ଥିଲେ l SWENZ COMPUTER INSTITUTE ର ନିର୍ଦ୍ଦେଶକ ଭାବରେ କମ୍ପୁଟର ଶିକ୍ଷା କ୍ଷେତ୍ରରେ ସେ ବଲାଙ୍ଗିର ଜିଲ୍ଲାରେ ନିଜର ଏକ ସ୍ଵତନ୍ତ୍ର ସ୍ଥାନ ହାସଲ କରିଥିଲେ l ମୃତ୍ୟୁ ଖବର ପାଇବା ପରେ
 ସର୍ବlଶିଷ ଙ୍କ ମାଲପଡା ସ୍ଥିତ ବାସଭବନରେ ବନ୍ଧୁ ପରିଜନ ଙ୍କ ଭିଡ ଜମିଥିଲା l ସର୍ବlଶିଷଙ୍କ ମୃତ୍ୟୁ ଶଯ୍ୟାରେ  ତାଙ୍କର ସ୍ତ୍ରୀ, ଗୋଟିଏ ପୁଅ , ଗୋଟିଏ         ଝିଅ ଉପସ୍ଥିତ ଥିଲେ l  ଜଣେ ଦରଦୀ ଓ ମେଳାପୀ ମଣିଷ ଭାବରେ ଜଣାଶୁଣା ସର୍ବlଶିଷ ଙ୍କ ଅକାଳ ବିୟୋଗ ରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି l ସୂଚନାଯୋଗ୍ଯ ଯେ ,ସର୍ବlଶିଷ ଙ୍କ ପିତା ଜଣେ ଅବସରପ୍ରାପ୍ତ ବେଙ୍କ କର୍ମଚାରୀ ଓ ମାଁ  ଜଣେ ଗୃହିଣୀ ଅଟନ୍ତି l ମାତାପିତାଙ୍କ ଉପସ୍ଥିତିରେ  ପୁଅଙ୍କ ଅକାଳ ବିୟୋଗ ପରି ଦାରୁଣ ଦୁଃଖ ସମସ୍ତଙ୍କୁ ମର୍ମାହତ କରିଛି l