17-Jul-2023

ବିନିକା(ହିମାଂଶୁ ଶେଖର ପୁଟେଲ)ଅଗ୍ନିଦେବଙ୍କ ଠାରେ ସାକ୍ଷୀ ରଖି ଜନ୍ମଜନ୍ମାନ୍ତର ଜୀବନ ସାଥୀ ହୋଇଥିବା ବିନିକା ସହର ମାରୱାଡି ପଡ଼ାର  ଯୁବ ଉଦ୍ୟୋଗୀ ପ୍ରକାଶ କୁମାର ଅଗ୍ରୱାଲ(ବିଟୁ) ଓ ତାଙ୍କ ଧର୍ମପତ୍ନୀ ନୀତୁ ଅଗ୍ରୱାଲଙ୍କ ଆଜି ୧୮ତମ ବିବାହ ବାର୍ଷିକୀ ପାଳନ ଅବସରରେ ଏହି ଦିନଟି ଆମ ଦୁହିଁଙ୍କ ପାଇଁ ନିଶ୍ଚିତ ଶୁଭଦିନ,ଖୁସିର ଦିନ,ଆନନ୍ଦର ଦିନ ବୋଲି ପ୍ରକାଶ କରିବା ସହିତ ବିନିକା ସ୍ପୋର୍ଟସ କ୍ଲବ ଠାରେ ଖୋଲିଥିବା ସ୍ମାର୍ଟ ଲାଇବ୍ରେରୀକୁ ବିଭିନ୍ନ ପ୍ରକାରର ୫୯ଖଣ୍ଡ ପୁସ୍ତକ ପ୍ରଦାନ କରିଛନ୍ତି । ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଟିତ ସ୍ଵତନ୍ତ୍ର କାର୍ଯ୍ୟକ୍ରମରେ ବିନିକା ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ,ସାମାଜିକ କର୍ମୀ ସୃଜନ ପଣ୍ଡା,ଗୌତମ ସୁବୁଦ୍ଧି,ବିଜେଡ଼ି ସଂଗଠକ ସନ୍ତୋଷ ସାହୁ,ପୀତବାସ ମେହେର, ଲାଇବ୍ରେରୀ ଇନଚାର୍ଜ ହିମାଂଶୁ ଶେଖର ପୁଟେଲ ପ୍ରମୁଖ ଉପସ୍ଥିତ ରହି ପୁସ୍ତକ ଦାନ କରିଥିବା ନୀତୁ ଓ ବିଟୁ ଯୋଡ଼ିକୁ ପ୍ରଶଂସା କରିବା ସହ ଏଠାକୁ ଆସୁଥିବା ଅବସରପ୍ରାପ୍ତ କର୍ମଚାରୀ,ସଚେତନ ନାଗରିକ,ଛାତ୍ରଛାତ୍ରୀ ମାନଙ୍କ ପାଇଁ ଉକ୍ତ ପୁସ୍ତକ ବ୍ୟବହାର ଉପଯୋଗୀ ହେବ ବୋଲି ଆଶାବ୍ୟକ୍ତ କରିଛନ୍ତି।