14-Jul-2023

ବରଗଡ଼:-ବରଗଡ ଜିଲ୍ଲା ଭେଡେନ ବ୍ଲକର ଲୁପୁରସିଂହା ଠାରୁ ସଂକ୍ରିଡା ଭାୟା ଅର୍ଜୁଡା, ପଣ୍ଡକିପାଲି, ଲୁଇସିରା ରାସ୍ତା ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ଅନ୍ତର୍ଭୁକ୍ତ କରାଯାଇଅଛି ।ଏହାକୁ ଗତ ୪.୬.୨୨ ଦିନ ଅତାବିରା ନିର୍ବାଚନମଣ୍ଡଳୀ ବିଧାୟିକା ସ୍ନେହାଙ୍ଗିନୀ ଛୁରିଆ ଶୁଭ ଭିତ୍ତିପ୍ରସ୍ତର ସ୍ଥାପନ କରିଥିଲେ। ଏହି କାମ ନିମ୍ନମାନର ହେଉଥିବା ଜନସାଧାରଣ ଙ୍କ ଅଭିଯୋଗ କରୁଛନ୍ତି। ଯଥା ଅର୍ଜୁଡା ର ଭେଜିପାଲି ଠାରେ ଯେଉଁ ସିମେଣ୍ଟ ଇଟା ବସାଇ କାମ କରୁଛନ୍ତି, ତାହା ଉପୁଡିପଡିଲାଣି ।ଫଳରେ ଏହି ରାସ୍ତା ଦେଇ ସଦା ସର୍ବଦା ଜନସାଧାରଣ ଯିବା ଆସିବା କରିଥାନ୍ତି।ଏବେ  ସୁବିଧା ବଦଳରେ ନାନାପ୍ରକାର ଅସୁବିଧାର ସମ୍ମୁଖୀନ ହେଉଛନ୍ତି ।ଚାରିଚକିଆ ଯାନ ଗଲେ ରାସ୍ତା ଦବିଯାଉଛି। ଚାଲିକି ଯିବା ସମ୍ଭବପର ହେଉନାହିଁ ।ସେହିପରି ସଂକ୍ରିଡା ଠାରୁ ଲୁଇସିରା ବନ୍ଧ ହିଡରେ ବ୍ରିଜ କାମ ଚାଲିଛି। ଅତିରିକ୍ତ ରାସ୍ତା ତିଆରି ହୋଇଥିଲା, ତାହା ବର୍ଷା ଭୁସୁଡି ପଡିଛି। ଫଳରେ ଏହା ରାସ୍ତା ଦେଇ ଲୋକମାନେ ଛାତ୍ରଛାତ୍ରୀ, ରୋଗୀ ଚିକିତ୍ସାପାଇଁ ୧୦/୧୨କିମି ରାସ୍ତା ବୁଲି ଯିବାକୁ ପଡୁଛି। ଅନେକ ସମସ୍ୟା ମଧ୍ୟରେ ଗତି କରିବାକୁ ପଡୁଛି ଏ ଅଞ୍ଚଳବାସୀଙ୍କୁ ।ବିଭାଗୀୟ ଉଚ୍ଚ କର୍ତ୍ତୁପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।