13-Jul-2023

ସିନ୍ଧେକେଲା(ଅନୀଲ କୁମାର ତ୍ରିପାଠୀ ): ମାଁଙ୍କୁ ଥରେ ସ୍ମରଣ ନ କରିବା ପର୍ଯ୍ଯନ୍ତ ଘରୁ ପଦାକୁ ପାଦ କାଢିବା ପାଇଁ ବି କେହି ଚିନ୍ତା ବି କରନ୍ତି ନାହିଁ ସିନ୍ଧେକେଲା ଅଞ୍ଚଳର ଅଦ୍ଧିଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନୀ ଙ୍କ କୃପାରୁ ଗ୍ରାମର ମଙ୍ଗଳ ଓ ଶାନ୍ତି ସକାଶେ ବିଗତ ପାଞ୍ଚ ବର୍ଷରୁ ଶ୍ରାବଣ ମାସର ପ୍ରଥମ ମଙ୍ଗଳବାର ଦିନ ସିନ୍ଧେକେଲା ମାଁ ଦ୍ୱାରସେହ୍ନି ମନ୍ଦିର ପ୍ରାଙ୍ଗଣରେ ଓଁ ନମଃ ଶିବାୟ ଅଖଣ୍ଡ ଜପ କରା ଯାଉଛି। ଏହି ପରିପ୍ରେକ୍ଷୀରେ ଏଥର ମଧ୍ୟ ଗତ ମଙ୍ଗଳବାର ଦିନ ସକାଳ ୬ ରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଉକ୍ତ ଜପ ଅନୁଷ୍ଠିତ ହୋଇଥିଲା । ମୁଖ୍ୟ ପୂଜକ ଭାବରେ ବରିଷ୍ଠ ପଣ୍ଡିତ ଉମାଶଙ୍କର ତ୍ରିପାଠୀ ଯୋଗଦେଇ ପୂଜା କାର୍ଯ୍ୟ ସମ୍ପାଦିତ କରିଥିବାବେଳେ ଲିକୁ ପାଢ଼ୀ ଓ ଜଗମୋହନ ତ୍ରିପାଠୀ ଜପକ ଭାବରେ ଯୋଗଦେଇ ସହଯୋଗ କରିଥିଲେ । କର୍ତ୍ତା ଭାବେ ମାଁ ଦ୍ୱାରସେହ୍ନୀ ଦେବୀଙ୍କ ମୁଖ୍ୟ ସେବାୟତ ରାଜା ଅରୁଣ କୁମାର ସିଂଦେଓ ଏବଂ ଉଦିତ ନାରାୟଣ ସିଂଦେଓ ଯୋଗଦେଇ ତାଙ୍କ ଦ୍ୱାରା ପୂଜା କରାଯାଇ ଜପ କାର୍ଯ୍ୟକ୍ରମ ଶୁଭାରମ୍ଭ କରାଯାଇଥିଲା । ଅଖଣ୍ଡ ଜପ ଆରମ୍ଭ ରେ ଦୁହିଁ କର୍ତ୍ତା ସମେତ ଅନନ୍ତ ଖମାରି , ସୁନିଲ କୁମାର ପଣ୍ଡା, ସୁଧାଂଶୁ

ଶେଖର ପଣ୍ଡା, ଶୁଭ୍ରାଂଶୁ ଶେଖର ପଣ୍ଡା, ଲୁଲୁ ତ୍ରିପାଠୀ, ପ୍ରସନ୍ନ ଜୈନ , କୃପା ପଣ୍ଡା , ବଜରଙ୍ଗ ଜୈନ , ସୁନିଲ ଜୈନ , ନିରଞ୍ଜନ ସାହୁ , ରାଜେଶ ଜୈନ , ସନ୍ତୋଷ ମିଶ୍ର , ରବି ପଣ୍ଡା , ତରୁଣ ସାହୁ , ଅମୀର ପାଣ୍ଡିଆ , ମନୋଜ ଜୈନ ପ୍ରମୁଖଙ୍କ ସମେତ ଅନ୍ୟମାନେ ସାମିଲ ହୋଇଥିଲେ । ଦେବୀଙ୍କ ଅନ୍ୟ ସେବାୟତ ଗୋପୀ ସାହୁ ଓ ସାଥୀଙ୍କ ଦ୍ୱାରା ଆୟୋଜିତ ଜପ କାର୍ଯ୍ୟକ୍ରମରେ ଦୀପକ ସାହୁ , ସମ୍ବିତ ନାଏକ , ରାଜୀବ ଜୈନ ପ୍ରମୁଖ ସହଯୋଗ କରିଥିଲେ ।