29-Jun-2023

ପାଟଣାଗଡ଼/ବେଲପଡ଼ା (ପୁର୍ଣ୍ଣ ଶଶୀ ଶେଖର ରାଓ): ବର୍ତ୍ତମାନ ରଥଯାତ୍ରା ଓ ବାହୁଡା଼ ଯାତ୍ରା ଚାଲିଥିବା ବେଳେ ବଲାଙ୍ଗିର ଜିଲ୍ଲା ର ବିଭିନ୍ନ ସ୍ଥାନରେ ଘୁଡୁଘୁଡି ପଟି (ଜୁଆ) ଖେଳ ପ୍ରଚୁର ପରିମାଣରେ ଚାଲିଥିବା ଦେଖିବାକୁ ମିଳୁଛି।

ସ୍ଥାନୀୟ ପୋଲିସ ଥାନା ମାନଙ୍କୁ ମୋଟା ଅଙ୍କର ଟଙ୍କା ଦେଇ ବେଫିକର ରେ ଘୁଡୁଘୁଡି ପଟି ର ଆସର ଜମାଇଛନ୍ତି। ସୂଚନା ଅନୁସାରେ ପାଟଣାଗଡ଼ ଉପଖଣ୍ଡ ବିଭିନ୍ନ ସ୍ଥାନରେ ଘୁଡୁଘୁଡି ପଟି ହେଉଥିବା ବେଳେ ପାଟଣାଗଡ଼ ଥାନା ପଣ୍ଡାମୁଣ୍ଡା ଗାଁ ରେ ରଥଯାତ୍ରା ଠାରୁ ଆରମ୍ଭ ବାହୁଡ଼ା ଯାତ୍ରା ପର୍ଯ୍ୟନ୍ତ ପଣ୍ଡାମୁଣ୍ଡା ଗାଁ ର କନ୍ଦର୍ପ ମେହେର ଓ ଯୁଗିମୁଣ୍ଡା ଗାଁ ର ମୋହନ ମେହେର ଜୁଆ ଖେଳ ଚଲାଇ ଥିଲେ।ଏ ସମ୍ପର୍କରେ କିଛି ଜଣ ସମାଜସେବୀ ପାଟଣାଗଡ଼ ଥାନା ଅଧିକାରୀ ଅନନ୍ତ ପ୍ରଧାନଙ୍କୁ ଜଣାଇଥିବା ବେଳେ ଆଜି ପାଟଣାଗଡ଼ ଥାନା ଅଧିକାରୀଙ୍କ

ନିର୍ଦ୍ଦେଶକ୍ରମେ ଉକ୍ତ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଆସନ୍ତାକାଲି ମଧ୍ୟ ପାଟଣାଗଡ଼ ଅଞ୍ଚଳ ର କିଛି ଗ୍ରାମ ରେ  ବାହୁଡ଼ା ରଥଯାତ୍ରା ହେବାକୁ ଯାଉଥିବା ବେଳେ ଜୁଆ ଖେଳ ହେବାର ଆଶଙ୍କା ରହିଛି। ସେଥିପାଇଁ ସେହି ଗାଁ ଗୁଡ଼ିକୁ ପାଟଣାଗଡ଼ ପୋଲିସ ଯାଇ ଜୁଆଖେଳ ବନ୍ଦ କରି ଜୁଆଡି ମାନଙ୍କ ପ୍ରତି କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି। ଅପରପକ୍ଷରେ ପାଟଣାଗଡ଼ ସହରର ବସଷ୍ଟାଣ୍ଡ, କଲେଜ ଛକ , ବ୍ଳକ ଛକ ମାନଙ୍କରେ ପୋଲିସ କର୍ମଚାରୀଙ୍କ ଉପସ୍ଥିତ ରେ ସଟ୍ଟା ଖେଳ ଚାଲିଥିବା ଦେଖିବାକୁ ମିଳୁଛି ।ତା ପ୍ରତି ଦୃଷ୍ଟି ଆକର୍ଷଣ କରି  ଅନନ୍ତ ବାବୁ ବେଆଇନ କାରବାର ର ଅନ୍ତ ଘଟାନ୍ତୁ ବୋଲି ଜନସାଧାରଣରେ ମତ ପ୍ରକାଶ ପାଉଛି।