28-Jun-2023

ବରଗଡ଼: ବରଗଡ଼ ଜିଲ୍ଲା ପାଇକମାଲ ବ୍ଳକ ଅନ୍ତର୍ଗତ ପଥରେଲ ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ ଠାରେ ବରଗଡ ଜିଲ୍ଲାର ଜନଜାତି ସାଧନ କେନ୍ଦ୍ରକୁ ଜିଲ୍ଲା ଶିକ୍ଷାଧିକାରୀ ମିତ୍ରଭାନୁ କଚ୍ଛପ ଉଦଘାଟନ କରିଛନ୍ତି । ବ୍ଳକ୍ ଶିକ୍ଷାଧିକାରୀ ଚୂଡାମଣି ବାରିକ ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି ଜିଲ୍ଲା ଶିକ୍ଷା ଅଧିକାରୀ ମିତ୍ର ଭାନୁ କଚ୍ଛପ ସମ୍ମାନିତ ଅତିଥି ଭାବେ ଏ.ଡି.ଓ ଛତ୍ରପତି ସାହୁ, ରାଧାକାନ୍ତ ଛତ୍ରି, ବିଆରସିସି ଶିବ ପ୍ରସାଦ ଯୋଷୀ, ପାଇକମାଲ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଦ୍ଵାଦଶ କୁମାର ପ୍ରଧାନ ମଞ୍ଚାସୀନ ଥିଲେ । ସିଆରସିସି ଡୋଳାମଣି ମାହାର ସଭା ପରିଚାଳନା କରିଥିଲେ । ପାରଂପାରିକ କର୍ମା ନାଚ ଦ୍ଵାରା ଅତିଥି ଗଣଙ୍କୁ ସ୍ଵାଗତ କରାଯାଇଥିଲା । ଜନଜାତି ମାନଙ୍କର ପୂର୍ବଜ ମାନେ ବ୍ୟବହାର କରୁଥିବା ବିଭିନ୍ନ ପ୍ରକାର ଜିନିଷ ଯଥା ଢେକି,ହାଏଁଡ଼ , ପୁରା,ଝାପି, ଲଙ୍ଗଲ, ଜୁଏଡ,ତୁମା,ବନରିଆ, କତରିଆ,ଥପା, ଥୁପି ଇତ୍ୟାଦି ସଂଗ୍ରହ କରାଯାଇ ସାଧନ କେନ୍ଦ୍ର ଠାରେ ରଖାଯାଇଥିଲା । ଏହାକୁ ଜିଲ୍ଲା ସ୍ତରରୁ ରାଜ୍ୟ ସ୍ତରକୁ ପହଞ୍ଚାଇବା ପାଇଁ ସମସ୍ତ ଙ୍କ ସହଯୋଗର ଆବଶ୍ୟକତା ରହିଛି ବୋଲି ବକ୍ତାମାନେ ମତ ପ୍ରକାଶ କରିଥିଲେ । କାର୍ଯ୍ୟକ୍ରମ ରେ ପ୍ରଧାନ ଶିକ୍ଷକ ଲୋହିତ ସିରଦାର,କେଦାରନାଥ ରାଉତ, ହରେକୃଷ୍ଣ ମହାଲିଙ୍ଗ, ବିଦ୍ୟାଧର ବରିହା, ରଞ୍ଜନ ବାଗ ପ୍ରମୁଖ ସହଯୋଗ କରିଥିଲେ । ଶେଷରେ ସିଆରସି ବିକାଶ ଚନ୍ଦ୍ର ସ୍ଵାଇଁ ଧନ୍ୟବାଦ ଅର୍ପଣ କରିଥିଲେ ।