28-Jun-2023

ବ୍ରହ୍ମପୁର (ଝିଲ୍ଲି କୁମାରୀ ସାହୁ ): ବ୍ରହ୍ମପୁର ନେହରୁ ଯୁବ କେନ୍ଦ୍ରପକ୍ଷରୁ ଜିଲ୍ଲା ସ୍ତରୀୟ ଯୁବ ଉତ୍ସବ ସ୍ଥାନୀୟ ଖଲ୍ଲିକୋଟ ଏକକ ବିଶ୍ଵବିଦ୍ୟଳୟରେ ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବେ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ଯୋଗ ଦେଇ ବିକାଶ ଉନ୍ମୁଖୀ ଭାରତରେ ଯୁବକ ମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କ ରେ କହିଥିଲେ l ସମ୍ମାନିତ ଅତିଥି ଭାବେ ବ୍ରହ୍ମପୁର ଉପଜିଲ୍ଲାପାଳ

ଆଶୁତୋଷ କୁଲକର୍ଣ୍ଣି ଭାରତ ର ମହାନ ସନ୍ଥ ସ୍ୱାମୀ ବିବେକାନନ୍ଦ ଙ୍କ ଜୀବନଶୈଳୀ ଆଜିକା ଯୁବପିଢ଼ିମାନଙ୍କ ପାଇଁ ପ୍ରେରଣା ଦାୟୀ ବୋଲି ମତ ବ୍ୟକ୍ତ କରିଥିଲେ | ନେହରୁ ଯୁବ କେନ୍ଦ୍ର ର ଏହିପରି କାର୍ଯ୍ୟକ୍ରମ କୁ ବିଶ୍ଵବିଦ୍ୟଳୟ କୁଳପତି ଶ୍ରୀଯୁକ୍ତ ପ୍ରଫୁଲ୍ଲ କୁମାର ମହାନ୍ତି ଭୁୟସୀ ପ୍ରଶଂସା କରିଥିଲେ | ଏଥିରେ ଜିଲ୍ଲା ର ବିଭିନ୍ନ ଯୁବବର୍ଗ ଙ୍କ ମଧ୍ୟରେ ଚିତ୍ରାଙ୍କନ , ଫୋଟୋଗ୍ରାଫି , ବକୃତା ଏବଂ ଯୁବ ସମ୍ବାଦ ପ୍ରତିଯୋଗିତା ଅନୁଷ୍ଠିତ ହୋଇଥିଲା | ପରିଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା | ଜିଲ୍ଲା ସଂଯୋଜକ ଅକ୍ଷୟ ନିପାନେ ଙ୍କ ନେତୃତ୍ୱ ରେ କାର୍ଯ୍ୟକ୍ରମ ପରିଚାଳନା ହୋଇଥିବା ବେଳେ ଜାତୀୟ ଯୁବ ସ୍ବେଛାସେବୀ ମାନେ ଏଥିରେ ସହଯୋଗ କରିଥିଲେ l