27-Jun-2023

ବଲାଙ୍ଗୀର, ଆଜି ବଲାଙ୍ଗୀର ଜିଲ୍ଲା ପୁାଇଁନ୍ତଳା ବ୍ଲକ ଅଧୀନସ୍ଥ  ସାଉନ୍ତପୁର ପଂଚାୟତ ଲେତିପାଲି ଗାଁ ର ଅନେକ ପରିବାର ପ୍ରଧାନମନ୍ତ୍ରୀ ଆବାସ ଯୋଜନାରୁ ବଂଚିତ ହୋଇଥିବା ନେଇ ଅଭିଯୋଗ ହୋଇଛି । ଏ ନେଇ ଗ୍ର୍ରାମବାସୀ  ବାରମ୍ବାର ପଂଚାୟତକୁ ଅଭିଯୋଗ କରିଥିଲେ ମଧ୍ୟ କେହି ସେମାନଙ୍କ କଥା ଶୁଣୁ ନାହାନ୍ତି । ଆଜି ଲେତିପାଲି ଗାଁ ର ବହୁ ଗରିବ ପରିବାରପାଖରେ ନିଜର ବାସଗୃହ ନାହିଁ । ଏମାନେ ଅତି ଦୟନୀୟ ଭାବରେ ଚାଳଛପର ଘରେ  ରହିବାକୁ ବାଧ୍ୟ ହେଉଛନ୍ତି ।  ସରକାରୀ ଯୋଜନା ସତେଯେପରି ଏମାନଙ୍କ ପାଇଁ ସାତସପନ । ଏ ନେଇ  ର ଶତାଧିକ ପୁରୁଷ ଓ ମହିଳା ମାନେ ଜିଲ୍ଲାପାଳଙ୍କ କାର୍ଯ୍ୟଳୟରେ ପହଂଚି ନିଜର ଦାବିପତ୍ର ପ୍ରଦାନ କରିଥିଲେ । ଜିଲ୍ଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ଲମ୍ବଦର ଧରୁଆଙ୍କୁ ଲେତିପାଲି ଗ୍ରାମବାସୀ ଦାବିପତ୍ର ପ୍ରଦାନ କରିଛନ୍ତି ।