27-Jun-2023

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା  ବୀରମହାରାଜପୁର ବ୍ଲକ କେନଝରିଆପାଲି ପଞ୍ଚାୟତ ଅନ୍ତର୍ଗତ ବଳିପାଲି ସ୍ଥିତ  ଜଡାପାଳ ଗାଁ'ର ନିତିଦିଆ ରାସ୍ତାରେ ଥିବା ନାଳ ଉପରେ ଏକ ପୋଲ ନିର୍ମାଣ ପାଇଁ ପଶ୍ଚିମ ଓଡିଶା ଯୁବାମଞ୍ଚ ପକ୍ଷରୁ ବୀରମହାରାଜପୁର ବ୍ଲକ ରେ ଚାଲିଥିବା ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ଙ୍କ ଯୁଗ୍ମ ଅଭିଯୋଗ ଶୁଣାଣୀ କାର୍ଯ୍ୟକ୍ରମ ରେ ଏକ ଦାବିପତ୍ର ପ୍ରଦାନ କରାଯାଇଛି । ଉକ୍ତ ଗ୍ରାମକୁ ଦିର୍ଘ ଦିନ ହେବ ରାସ୍ତା ନ ଥିଲା କିନ୍ତୁ ଅନେକ ଦାବି ପରେ ଚଳିତ ବର୍ଷ ମନରେଗା ଯୋଜନା ରେ ରୁଗୁଡିପାଲି ଦାଦାର ଛକ ଠାରୁ ବଳିପାଲି ଯଡ଼ପାଳ ପଡା କୁ ଏକ ରାସ୍ତା ତିଆରି ହୋଇଛି ।ହେଲେ ଏହି ରାସ୍ତାରେ ଥିବା ଏକ ନାଳ ଯାତାୟତ ରେ ବାଧାସୃଷ୍ଟି କରୁଛି ।ଏପରିକି ବର୍ଷା ଦିନରେ ଗ୍ରାମର ଛୋଟ ଛୋଟ ପିଲା ମାନଙ୍କ ପାଠ ପଢା ବନ୍ଦ ହୋଇଯାଉଥିବା ବେଳେ ବିଭିନ୍ନ ସମୟରେ ରୋଗୀ ମାନଙ୍କୁ ଦୁଇ କିଲୋମିଟର ଖଟିଆରେ ବୋହି ବଳିପାଲି ପର୍ଯ୍ୟନ୍ତ ଆଣିବାକୁ ପଡୁଛି । ଗ୍ରାମବାସୀ ମାନେ ଅନେକ ଥର  ସରପଞ୍ଚଙ୍କ ଠାରୁ ଆରମ୍ଭ କରି ବିଡିଓ, ପୂର୍ବ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିଲେ ମଧ୍ୟ କୌଣସି ସୁଫଳ ମିଳୁନାହିଁ ।  ଏ ନେଇ ପଶ୍ଚିମ ଓଡିଶା ଯୁବାମଞ୍ଚ ପକ୍ଷରୁ ଜିଲ୍ଲାପାଳ ବିମଳେନ୍ଦୁ ରାୟ ଙ୍କୁ  ଏକ ଦାବିପତ୍ର ପ୍ରଦାନ କରାଯାଇଛି ।ଉକ୍ତ ରାସ୍ତାରେ ଯଥାଶୀଘ୍ର ଏକ ପୋଲ ନିର୍ମାଣ ପାଇଁ ଜଡାପାଲ ଗ୍ରାମବାସୀ ତଥା ଅଞ୍ଚଳବାସି ଦାବି କରୁଛନ୍ତି ।