26-Jun-2023

ବଲାଙ୍ଗିର,- ବଲାଙ୍ଗିର ର ଜଣା ଶୁଣା ଓକିଲ ମାର୍କଣ୍ଡ ମିଶ୍ର ଆଉ ନାହାନ୍ତି । ଆଜି ପ୍ରାୟ ଦିନ ୨ଟା ସମୟରେ  ତାଙ୍କର ଦେହାନ୍ତ ଘଟିଛି ।  ସ୍ୱର୍ଗତ ଶ୍ରୀ ମିଶ୍ର ଝାରଖଣ୍ଡ ହାଇକୋର୍ଟର ଚିଫ୍ ଜଷ୍ଟିସ ସଞ୍ଜୟ ମିଶ୍ରଙ୍କ ପିତା ଓ ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ଦଦେଇ ପୁଅ ବଡ ଭାଇ ଥିଲେ ।  
ସ୍ୱର୍ଗତ ମିଶ୍ର ବିଗତ କିଛି ସମୟ ହେଲା ବୃଦ୍ଧାବସ୍ଥା ଜନିତ ଅସୁସ୍ଥତା ଭୋଗ କରୁଥିଲେ । ଦଶ ଦିନ ପୁର୍ବରୁ ତାଙ୍କ ପତ୍ନୀ ଜ୍ୟୋତିର୍ମୟୀ ମିଶ୍ରଙ୍କ ଦେହାନ୍ତ ଘଟିଥିଲା । ଆଜି ଶ୍ରୀମତୀ ମିଶ୍ରଙ୍କ ଦଶାହ କାର୍ଯ୍ୟକ୍ରମ ଥିଲା । ହଠାତ ଶ୍ରୀ ମିଶ୍ର ସ୍ୱାସ୍ଥ୍ୟବସ୍ଥା ଗୁରୁତର ହୋଇ  ଟିକ୍ରାପଡା ସ୍ଥିତ ନିଜସ୍ୱ ବାସଭବନରେ ଦିନ ପ୍ରାୟ ୨ଟାରେ ଶ୍ରୀ ମିଶ୍ର ଶେଷ ନିଶ୍ୱାସ ନେଇଥିଲେ । ମୃତ୍ୟୁ ସମୟରେ ତାଙ୍କୁ ୮୯ ବର୍ଷ ହେଉଥିଲା । ଶେଷ ସମୟରେ ଦୁଇ ପୁତ୍ର, ପୁତ୍ର ବଧୂ, ଝିଅ, ଜ୍ୱାଇଁଙ୍କ ସମେତ ପ୍ରାୟ ସମସ୍ତ ପରିବାର ବର୍ଗ ଉପସ୍ଥିତ ଥିଲେ । ସ୍ଥାନୀୟ ବିଭୁତି ପଡା ଶ୍ମଶାନରେ ତାଙ୍କର ଅନ୍ତେଷ୍ଟି କ୍ରୀୟା ସଂପର୍ଣ୍ଣ ହୋଇଥିଲା । ପୁତ୍ର ଚିଫ୍ ଜଷ୍ଠିସ ସଞ୍ଜୟ ମିଶ୍ର ମୁଖାଗ୍ନୀ ଦେଇଥିଲେ । ତାଙ୍କର ବିୟୋଗ ବଲାଙ୍ଗିର ଓକିଲାତି ଜଗତ ପାଇଁ ଏକ ଅପୁରଣୀୟ କ୍ଷତି ବୋଲି କହିବା ସହ ବିଧାୟକ ନରସିଂହ ମିଶ୍ର ଗଭୀର ଶୋକ ପ୍ରକଟ କରିଛନ୍ତି । ଅନ୍ତେଷ୍ଟି ସମୟରେ   ବଲାଙ୍ଗିରର ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ଥିଲେ ।