26-Jun-2023

ବଲାଙ୍ଗୀର, ଆଜି ବଲାଙ୍ଗୀର ସହରରର ପରିମଳ ବ୍ୟବସ୍ଥା, ଡ୍ରେନେଜ୍ ସିଷ୍ଟମ ଓ  ସହରବାସୀ ଙ୍କ ଅନ୍ୟାନ୍ୟ ମୌଳିକ ସମସ୍ୟା ନେଇ ବଲାଙ୍ଗୀର ନାଗରିକ କମିଟି ପକ୍ଷରୁ ବଲାଙ୍ଗୀର ମୁନିସିପାଲିଟିର ପୌରାଧ୍ୟକ୍ଷା ଓ କାର୍ଯ୍ୟନିର୍ବାହୀ ଅଧିକାରୀଙ୍କ ସହ ଆଲୋଚନା କରାଯାଇଥିଲା । ଆଜି ମୁନିସିପାଲିଟି କନଫରେନ୍ସ ହଲ ଠାରେ ଅlୟୋଜିତ ଏହି ବୈଠକରେ ସହରରର ବିଭିନ୍ନ ସ୍ଥାନରେ ଥିବା ପାର୍କର ଉନ୍ନତିକରଣ ଓ ସ୍ୱେରେଜ ସିଷ୍ଟମ ଉପରେ ବିସ୍ତୃତ ଆଲୋଚନା ହୋଇଥିଲା । ଆଲୋଚନାରେ ବଲାଙ୍ଗୀର ମୁନିସିପାଲିଟି ପୌରାଧ୍ୟକ୍ଷା ଲିକା ସାହୁ ଓ କାର୍ଯ୍ୟନିର୍ବାହୀ ଅଧିକାରୀ ବିଶ୍ୱମ୍ବର ମିଶ୍ର ଯୋଗ ଦେଇ ପର୍ଯ୍ୟାୟ କ୍ରମେ ସହରର ଡ୍ରେନେଜ ବ୍ୟବସ୍ଥା ର ଉନ୍ନତି ଦିଗରେ କାମ କରାଯିବ ବୋଲି ପ୍ରତିଶୃତି ଦେଇଛନ୍ତି । ବଲାଙ୍ଗୀର ସହରରେ ପରିମଳ ବ୍ୟବସ୍ଥା, ରାସ୍ତାଘାଟ, ବିଜୁଳି ଓ ଅନ୍ୟାନ୍ୟ ଛୋଟବଡ ସମସ୍ୟାର ସମାଧାନ ପାଇଁ ମୁନିସିପାଲିଟିର ୨୧ ଟି ୱାର୍ଡରେ  କାମ ତଦାରଖ ତଥା କାମକୁ ତ୍ୱରାନ୍ୱିତ କରିବା ପାଇଁ ସକାଶେ ମୁନିସିପାଲିଟିର ଜଣେ କର୍ମଚାରୀ ଓ ବଲାଙ୍ଗୀର ନାଗରିକ କମିଟିର ଜଣେ ସଭ୍ୟ ଦାୟିତ୍ୱରେ ରହିବେ ବୋଲି ଆଲୋଚନା ବେଳେ ନିଷ୍ପତ୍ତି ହୋଇଛି ।  ଏହି ଆଲୋଚନାରେ ବଲାଙ୍ଗୀର ନାଗରିକ କମିଟିର ସଭାପତି ବେଲାରସିଂ ଭୋଇ, ସଂପାଦକ ମନୋରଂଜନ ସାହୁ, ଉପସଭାପତି ନିତ୍ୟାନନ୍ଦ ମିଶ୍ର, ସହସଂପାଦକ ଚକ୍ରପାଣି ଦାଶ, ସଭ୍ୟ ସି.ଏ ଶ୍ରୀକାନ୍ତ ଶର୍ମା, ଗୋପଭୂଷଣ ନାଥ, ମନୋରଂଜନ ପୁରୋହିତ, ଗୋପବନ୍ଧୁ ପୁରୋହିତ, ନରେଶ ଦାଶ, ରାହାସବିହାରୀ ମାଝୀ, ଦିବାକର ହୋତା, ଧର୍ମବ୍ରତବ ରଥ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।