25-Jun-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଲୋଇସିଂହା ବିଧାନସଭା ସ୍ତରୀୟ ଲୋଇସିଂହା ନିର୍ବାଚନ ମଣ୍ଡଳୀ ର ଲୋଇସିଂହା ଅଗ୍ରେସନ ଭବନ ଠାରେ ବିଜେପି ପକ୍ଷରୁ ସଂଯୁକ୍ତ ମୋର୍ଚ୍ଚା ସମାବେଶ ତଥା ମହା ଜନସମ୍ପର୍କ ଅଭିଯାନ ମହା ସମାବେଶ ଅନୁଷ୍ଠିତ  ହୋଇଥିଲା l ଆଜିର ଏହି ସମାବେଶ ରେ ମୁଖ୍ୟଅତିଥି ଭାବରେ ବଲାଙ୍ଗୀର ସାଂସଦ ଶ୍ରୀମତୀ ସଂଗୀତା କୁମାରୀ ସିଂଦେଓ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ଉପସ୍ଥିତ ରହି ଏହି ସଂଯୁକ୍ତ ମୋର୍ଚ୍ଚା ସମାବେଶ ର କାର୍ଯ୍ୟକ୍ରମ ଆରମ୍ଭ କରିଥିଲେ l ଲୋଇସିଂହା ନିର୍ବାଚନ ମଣ୍ଡଳୀ ର ସମସ୍ତ ମଣ୍ଡଳ ସଭାପତି ତା ସଂଗେ ସଂଗେ ତିନୋଟି ବ୍ଲକ ର ଶତାଧିକ ମହିଳା ଓ ବିଜେପି କର୍ମକର୍ତା ଏହି କାର୍ଯ୍ୟକ୍ରମ ରେ ଉପସ୍ଥିତ ଥିଲେ l ପ୍ରଥମେ ମୁଖ୍ୟଅତିଥି ତଥା ବଲାଙ୍ଗୀର ସାଂସଦ ଶ୍ରୀମତୀ ସଂଗୀତା କୁମାରୀ ସିଂଦେଓ ଙ୍କୁ ପାଛୋଟି ଆଣି ସ୍ୱାଗତ ସମ୍ବର୍ଦ୍ଧନା ଦେଇ ମଂଚାସୀନ କରାଯାଇଥିଲା l

ପରେ ପରେ ମହାପୁରୁଷ ଙ୍କ ଫୋଟୋଚିତ୍ର ରେ ମାଲ୍ୟାର୍ପଣ ତଥା ଦୀପ ପ୍ରଜ୍ବଳନ କରି ସଭା କାର୍ଯ୍ୟ ଆରମ୍ଭ କରାଗଲା l ଏହି ମୋର୍ଚ୍ଚା ସମାବେଶରେ ଯଶ୍ୱସୀ ପ୍ରଧାନମନ୍ତ୍ରୀ ଙ୍କର ନଅ ବର୍ଷ ମଧ୍ୟରେ ବିଭିନ୍ନ ଲୋକାଭିମୁଖୀ ଯୋଜନା ଉପରେ ଆଲୋଚନା ହୋଇଥିଲା l ମୁଖ୍ୟତଃ ବେଟି ପଢ଼ାଓ ବେଟି ବଚାଓ, 3 ଶହ ଟି ଭିତିଭୂମି ଉପରେ, ବଲାଙ୍ଗୀର ଲୋୟର ସୁକ୍ତେଲ ପ୍ରକଳ୍ପ, ବଲାଙ୍ଗୀର ଖୋର୍ଦ୍ଧା ରେଳ ଲାଇନ ପ୍ରକଳ୍ପ, ମେଗା ଜଳସେଚନ ପ୍ରକଳ୍ପ, ଜଳ ମିଶନ ଶକ୍ତି ପ୍ରକଳ୍ପ, ଲୋଇସିଂହା ଠାରେ ପୂରୀ-ଦୁର୍ଗ ଏକ୍ସପ୍ରେସ ର ରହଣି, ବଲାଙ୍ଗୀର ବାଇବାସ ନିର୍ମାଣ, ଜାତୀୟ ରାଜପଥ ନିର୍ମାଣ, ବଟଲି ପ୍ଲାଣ୍ଟ, କଣ୍ଟାବାଞ୍ଜି ରେ ରେଳଡବା କାରଖାନା, ପ୍ରତ୍ୟକ ବ୍ଲକ ରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ଉନ୍ନତିକରଣ, କେନ୍ଦ୍ରୀୟ ବିଦ୍ୟାଳୟ ଏଭଳି ଅନେକ ଗୁଡିଏ ଯୋଜନା ସାଂସଦ ସଂଗୀତା କୁମାରୀ ସିଂଦେଓ ବିଜେପି କର୍ମକର୍ତା ଙ୍କ ଗହଣରେ ନିଜର ବକ୍ତବ୍ୟ ରଖିଥିଲେ l ଏହାସହ ବିଜେପି ଦଳ ଲୋଇସିଂହା ନିର୍ବାଚନ ମଣ୍ଡଳୀ ରେ ଏକଜୁଟ ହୋଇ କିପରି ନିର୍ବାଚନ ଲଢ଼ିବ ସେ ବିଷୟରେ କର୍ମୀ ମାନଙ୍କୁ ଗୁରୁମନ୍ତ୍ର ଦେଇଥିଲେ l ତା ସଂଗେ ସଂଗେ ଲୋଇସିଂହା ବିଧାୟକ ଡ଼ ମୁକେଶ ମହାଲିଙ୍ଗ ଯଶ୍ୱାସୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଙ୍କ ର ବିଭିନ୍ନ ଲୋକାଭିମୁଖୀ ଯୋଜନା ଉପରେ କର୍ମକର୍ତା ଙ୍କୁ ବୁଝାଇବା ଶହ ଦଳ କିପରି ଆଗକୁ ମଜବୁତ ହେବ ସେ ବାବଦରେ ସ୍ପଷ୍ଟୀକରଣ କରିଥିଲେ l