25-Jun-2023

ବଲାଙ୍ଗୀର(ପ୍ରେରଣା ଖବର ):  ବଲାଙ୍ଗୀର ର ସ୍ୱେଚ୍ଛାସେବୀ ସଂଗଠନ  ସହଯୋଗ ଫାଉଣ୍ଡେସନ ତରଫରୁ ଆଜି ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲ ପରିସରରେ ଡାକ୍ତରଖାନାର ରୋଗୀ ଓ ତାଙ୍କ ସଂପର୍କୀୟ ମାନଙ୍କ ପାଇଁ ଏକ ମାଗଣା ଭୋଜନ ଅର୍ଣ୍ଣପୂର୍ଣ୍ଣା କାର୍ଯ୍ୟକ୍ରମ ଅନୁଷ୍ଠିତହୋଇଥିଲା । ଦୀର୍ଘ ୯ମାସ ଧରି  ପ୍ରତି ରବିବାର ଦିନ

ଫାଉଣ୍ଡେସନ ତରଫରୁ ହସ୍ପିଟାଲ ପରିସରରେ ଲୋକ ମାନଙ୍କୁ  ମାଗଣାରେ ଭାତ, ଡଲମା, ଭଜା ତରକାରିର ବ୍ୟବସ୍ଥା କରାଯାଉଛି ।  ଝିପି ଝିପି ବର୍ଷା ସତ୍ତ୍ୱେ ଆଜି ର ଅର୍ଣ୍ଣପୂର୍ଣ୍ଣl କାର୍ଯ୍ୟକ୍ରମରେ ପ୍ରାୟ  ୨୦୦  ଜଣ ମାଗଣା ଭୋଜନ ର ଲାଭ ଉଠାଇଥିଲେ l ସହଯୋଗ ଫାଉଣ୍ଡେସନ ର ଏପରି ମହତ କାମକୁ ସାଧାରଣରେ ପ୍ରଶଂସା କରାଯାଇଛି । ଆଜିର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବରିଷ୍ଠ ଟେକ୍ସ ଏଡ୍‌ଭୋକେଟ ନକୁଳ ଅଗ୍ରୱାଲ ଓ ସମ୍ମାନିତ ଅତିଥି ଭାବରେ ସାପ୍ତାହିକ ପ୍ରେରଣାର ସଂପାଦକ ରଘୁ ନନ୍ଦନ ସିଂହ ଯୋଗ ଦେଇ ସମସ୍ତଙ୍କୁ ଉତ୍ସାହିତ କରିଥିଲେ । ଆଜିର ମାଗଣା ଅନ୍ନ ଭୋଜନ ବଣ୍ଟନ କାର୍ଯ୍ୟକ୍ରମକୁ ସଫଳ କରିବାରେ ଆର୍ତ୍ତତ୍ରାଣ ପାଢ଼ୀ,  ଅନୀଲ ମୋଦୀ, ବବିତା  ଜୈନ, ଶୋଭା ଅଗ୍ରୱାଲ, ମୀନା ଗୋୟଲ, ପିଙ୍କି  ଗୋୟଲ, ଦୀପକ ଜୈନ, ଶଙ୍କର ମେହେର, କେଦାର ଅଗ୍ରୱାଲ, ତୁଫାନ ପାତ୍ର, ସୁଦୀପ୍ତ ତ୍ରିପାଠୀ,  ପିଙ୍କି  ମୋଦୀ, ଶିକ୍ଷକ ରାମ ନାରାୟଣ ଦାଶ, ରାମ ଅବତାର ଅଗ୍ରୱାଲ ପ୍ରମୁଖ ସହ ଯୋଗ କରିଥିଲେ । ଆଜି ର ଏହି ଅର୍ଣ୍ଣପୂର୍ଣ୍ଣା  କାର୍ଯ୍ୟକ୍ରମକୁ ବଲାଙ୍ଗୀର ସହରର ଗୋୟଲ ପରିବାର ସଂପୂର୍ଣ୍ଣ ସହଯୋଗ କରିଥିଲେ ।