24-Jun-2023

ବରଗଡ଼- ଗତକାଲି ତା.୨୩.୦୬.୨୦୨୩ରିଖ ଶୁକ୍ରବାର ଦିନ ପ୍ରସଙ୍ଗ ସୃଜନୀ, ବାଲେଶ୍ଵରର ପ୍ରଥମ ଆଭାଷୀ କବିତା ଆସର ଅନୁଷ୍ଠିତ ହୋଇଯାରିଛି । ପ୍ରତିଷ୍ଠାତ୍ରୀ ଶ୍ରୀମତୀ ସଙ୍ଗୀତା ବାରିକଙ୍କ ପୌରହିତ୍ୟରେ ଅନୁଷ୍ଠିତ ଏହି ଭରଚୁଆଲ ବୈଠକରେ ଓଡ଼ିଶାର ବିଶିଷ୍ଟ  ରଥଯାତ୍ରା ଉଦଘୋଷକ ପଣ୍ଡିତ ଡକ୍ଟର ଶଶୀକାନ୍ତ ରଥ ବରେଣ୍ୟ ଅତିଥି ଭାବରେ ଯୋଗଦେଇ ଶ୍ରୀଜଗନ୍ନାଥ କଥାମୃତରେ ସମସ୍ତଙ୍କୁ ବାନ୍ଧି ରଖିଥିଲେ । ଫକୀରମୋହନ ସାହିତ୍ୟ ପରିଷଦର ପୂର୍ବତନ ସଭାପତି  ଡ. ହରିଶ୍ଚନ୍ଦ୍ର ବେହେରା ମୁଖ୍ୟ ଅତିଥି ଓ ଫକୀରମୋହନ ସାହିତ୍ୟ ପରିଷଦର ପୂର୍ବତନ ସଭାପତି ଡ. ଶିରୀଶ ଚନ୍ଦ୍ର ଜେନା ମୁଖ୍ୟବକ୍ତା ଭାବରେ ଯୋଗଦାନ କରି ଓଡ଼ିଆ ସାହିତ୍ୟର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ଶ୍ରୀଜଗନ୍ନାଥଙ୍କୁ ସମର୍ପିତ ଏହି କବିତା ଆସରରେ ଶ୍ରୀମତୀ ସଙ୍ଗୀତା ବାରିକଙ୍କ ବଳିଷ୍ଠ ସଂଯୋଜନାରେ ୨୫ରୁ ଉର୍ଦ୍ଧ୍ବ କବି ଓ କବୟିତ୍ରୀ ସ୍ଵରଚିତ କବିତା ପାଠ କରିଥିଲେ । ଶେଷରେ ସୁସାହିତ୍ୟିକ ଶ୍ରୀଯୁକ୍ତ ଜୁମର ନାଥ ପାତ୍ର ଧନ୍ୟବାଦ ଅର୍ପଣ କରିଥିଲେ ।

*ବରଗଡ଼ରୁ ନିରଞ୍ଜନ ତ୍ରିପାଠୀଙ୍କ ରିପୋର୍ଟ