20-Jun-2023

ବଲାଙ୍ଗୀର, ଜଗତର ନାଥ ଜଗନ୍ନାଥଙ୍କ ପବିତ୍ର ରଥଯାତ୍ରର ଶୁଭ ଅବସରରେ ବଲାଙ୍ଗୀର ଜିଲ୍ଲା ୮୪ ଘର ଅଘରିଆ ସମାଜ ପକ୍ଷରୁ ଅଘରିଆ ସମ୍ବିଧାନ ଓ ବାର୍ଷିକ ମୁଖପତ୍ର ‘ଅଘରିଆ ଜ୍ୟୋତି’ ଉନ୍ମୋଚନ ହୋଇଯାଇଛି । ସ୍ଥାନୀୟ ଅଘରିଆ ପଡା ସ୍ଥିତ ଜଗନ୍ନାଥ ମନ୍ଦିର ପରିସରରେ ରେ ଅନୁଷ୍ଠିତ ଏହି ଉନ୍ମୋଚନ କାର୍ଯ୍ୟକ୍ରମରେ ଅଘରିଆ ସମାଜର ଶତାଧିକ ଭାଇ ଭଉଣୀ ଉପସ୍ଥିତ ଥିଲେ । ଅଘରିଆ ଜ୍ୟୋତି ସ୍ମରଣିକାର ଏକବିଶତମ ସଂଖ୍ୟା ଓ ଅଘରିଆ ସମାଜର ସ୍ମରଣିକାକୁ ପ୍ରଥମେ ଶ୍ରୀ ଜଗନ୍ନାଥଙ୍କ ଠାରେ ଆପର୍ଣ କରାଯାଇଥିଲା । ୮୪ ଘର ଅଘରିଆ ସମାଜର ଆଂଚଳିକ ସଭାପତି ଶୁଭ୍ରାଂଶୁ ଶେଖର ପଟେଲ, ସାଧାରଣ ସଂପାଦକ ଦିଗାମ୍ବର ନାଏକ ଓ ଅଘରିଆ ସମାଜର ଉପସଭାନେତ୍ରୀ ଲିଲି ପଟେଲ ଏଥିରେ ବରେଣ୍ୟ ଅତିଥି ଭାବରେ ଯୋଗ ଦେଇ ସ୍ମରଣିକାକୁ ଉନ୍ମୋଚନ କରିଥିଲେ ।  ପୁସ୍ତକ କମିଟି ମୁଖ୍ୟ ସଂପାଦକ ସନ୍ତୋଷ ରାଉତ, ସଭ୍ୟ ଭକ୍ତ ନାଏକ, ମହେନ୍ଦ୍ର ପଟେଲ, ଦାଶରଥୀ ପଟେଲ, ସୁରେନ୍ଦ୍ର ପଟେଲ, ମଣ୍ଡଳ ସଭାପତି ଗୋବିନ୍ଦ ପଟେଲ, ଭାଲେର ମଣ୍ଡଳ ଉପସଭାପତି  ପ୍ରଭୁ ପ୍ରସାଦ ନାଏକ, ମଦନ ନାଏକ,ନୀଳମଣି ପଟେଲ, ବିରଂଚି ରାଉତ, ଚିତ୍ତରଂଜନ ପଟେଲ ଓ ଅନ୍ୟମାନେ ଏହି କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ ।