05-May-2023

 ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ପୋର୍ଟସ କ୍ଲବ ତରଫରୁ ସ୍ଥାନୀୟ ବିଜୁ ପଟ୍ଟନାୟକ ଷ୍ଟାଡିୟମ ଠାରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଚତୁର୍ଥ ରାଉଣ୍ଡର ପ୍ରଥମ ମ୍ୟାଚରେ କମ୍ରେଡକୁ ହରାଇ ପିସିସି ରୋମାଞ୍ଚକର ବିଜୟ ହାସଲ କରିଛି । ଟଚ ଜିଣି ପିସିସି ପ୍ରଥମେ ବ୍ୟାଟିଂ କରି ୧୦ଓଭରରେ ୭ୱିକେଟ ହରାଇ ୫୪ରନ କରିଥିଲା ତାର ଜବାବରେ କମ୍ରେଡ ସମସ୍ତ ୱିକେଟ ହରାଇ ମାତ୍ର ୫୦ରନ କରିବାକୁ ସକ୍ଷମ ହୋଇଥିଲା। ମ୍ୟାଚକୁ ବିନୋଦ ପାତ୍ର ଓ ଦାଶରଥି ମିଶ୍ର ପରିଚାଳନା କରିଥିବା ବେଳେ ସ୍କୋରର ଭାବେ ସରୋଜ ମହାନ୍ତି,ଆଲୋକ ସେଠୀ ଏବଂ ମ୍ୟାଚର ଧରାବିବରଣୀ ବୈରାଗୀ ପ୍ରଧାନ,ପ୍ରଦୀପ

ମହାଲିଂ ପ୍ରଦାନ କରିଥିଲେ ।ସ୍ପୋର୍ଟସ କ୍ଲବ ସମ୍ପାଦକ ମନୋଜ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ସୈନିକ ଶୁକେଶ ସାମନ୍ତରାୟ,ସ୍ଵତନ୍ତ୍ର ଅତିଥି ଭାବେ ଯୁବ ବ୍ୟବସାୟୀ ତଥା ନିହାର ଏଣ୍ଟରପ୍ରାଇଜେସ ମାଲିକ ପ୍ରକାଶ ପଣ୍ଡା,ସମ୍ମାନିତ ଅତିଥି ଭାବେ ଗ୍ରାମ ରୋଜଗାର ସେବକ ନବଜୀବନ ପଣ୍ଡା ଯୋଗଦେଇ ବିଜୟୀ/ରନରସଅପ ଦଳ ଓ ପିସିସି ଦଳର କୁଶ ମାଝୀଙ୍କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ପ୍ରଦାନ କରାଯାଇଥିଲା ।ଆଜି ଶୁକ୍ରବାର ଅପରାହ୍ନରେ ଆନ୍ୟା ସ୍ପୋଟିଙ୍ଗ ବନାମ ତ୍ରିରଙ୍ଗା ଯୁଥ କ୍ଲବ ମଧ୍ୟରେ ମ୍ୟାଚ ଅନୁଷ୍ଟିତ ହେବ ।ଉଭୟ ଦଳର ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପୁରସ୍କାର ପ୍ରଦାନ ନିମନ୍ତେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲା ଟେଣ୍ଟ ମାଲିକ ସଂଘ ସଭାପତି ତଥା ବିନିକା ବ୍ଲକ ସଭାପତି ମାହାରୁ ପଣ୍ଡା,ସମ୍ମାନିତ ଅତିଥି ଭାବେ ପୂର୍ବତନ ଖେଳାଳୀ ଶଶିଭୂଷଣ ରାଉତ,ବନବିହାରୀ ଦାସ,ମୋହନ ବଢେଇ ପ୍ରମୁଖ ଯୋଗଦେବେ ବୋଲି ଆୟୋଜକଙ୍କ ସୂତ୍ରରୁ ପ୍ରକାଶ ।