08-Dec-2020

ବଲାଙ୍ଗୀର,ଗୁଡଭେଲା(ପ୍ରେରଣା ଖବର)-ଷ୍ଟେଟ ବ୍ୟାଙ୍କ ଆଇସେଟି ଆନୁକୂଲ୍ୟରେ ବଲାଙ୍ଗୀର ଜିଲ୍ଲା ଗୁଡଭେଲା ଠାରେ ହୋଇଥିବା ଛେଳି ପାଳନ ତାଲିମ କାର୍ଯ୍ୟକ୍ରମ ଉଦ୍‌ଯାପିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଆଇସିଡିଏସ୍ ସୁପରଭାଇଜର ଶ୍ରୀମତୀ ସୁଷମା ସାହୁ ଯୋଗ ଦେଇ ଭିନ୍ନକ୍ଷମ ମାନେ କିପରି ସମାଜରେ ନିଜ ଗୋଡରେ ଠିଆ ହେବା ପାଇଁ ସକ୍ଷମ ହୋଇ ପାରିବେ, ସେ ସଂପର୍କରେ ବୁଝାଇ ଥିଲେ । ଅନୁଷ୍ଠାନର ନିର୍ଦ୍ଦେଶକ ଲକ୍ଷ୍ମୀଧର ମଲ୍ଲିକ, ରେଆର ଅନୁଷ୍ଠାନର ଲକ୍ଷ୍ମଣ ସା, ପ୍ରଶିକ୍ଷକ ସୂର୍ଯ୍ୟମଣି ପ୍ରଧାନ ପ୍ରମୁଖ ଉପସ୍ଥିତ ରହି ଭିନ୍ନକ୍ଷମ ମାନେ ସମାଜ ପାଇଁ ଅଲୋଡା ନୁହନ୍ତି, ସେମାନେ ମଧ୍ୟ ଜଣେ ସକ୍ଷମ ବ୍ୟକ୍ତି ପରି ସମାଜର ବିକାଶ ଦିଗରେ ଆନେକ ଆଗକୁ ଯାଇ ପାରିବ ବୋଲି କହିଥିଲେ । ଉକ୍ତ ତାଲିମ କାର୍ଯ୍ୟକ୍ରମରେ ଗୁଡଭେଲା ବ୍ଲକର ତେନ୍ତୁଲିଖୁଟି, ଘୁନା,ସିର୍ଜାପାଲ. ବିରାମୁଣ୍ଡା, ସନ୍ଦିସରା, ଲାଟତରା, ପେନ୍ଦିମୁଣ୍ଡା, ଡୁଙ୍ଗିବାହାଲ ତଥା ଗୁଡଭେଲାର ୨୩ ଜଣ ଭିନ୍ନକ୍ଷମ ୧ଠ ଦିନିଆ ତାଲିମ କାର୍ଯ୍ୟକ୍ରମରେ ଭାଗ ନେଇ ମାନପତ୍ର ଗ୍ରହଣ କରିଥିଲେ ।