08-Apr-2023

ବଙ୍ଗୋମୁଣ୍ଡା (ପ୍ରେରଣା ଖବର ): ଝିମିଟି ଖେଳରୁ ମହାଭାରତ।  ସାମାନ୍ୟ କୁକୁଡ଼ା ଚୋରୀ କଥା କୁ ନେଇ ଏକ ପରିବାର ଙ୍କୁ ଏସିଡ ଆକ୍ରମଣ । ୪ ଗୁରୁତର ।

ଏଭଳି ଏକ ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନା ଅର୍ନ୍ତଗତ ସାହୁ ପଡାରେ । ଆହତ ମାନେ ହେଲେ ଖଗ ସାହୁ, ସୁବାଷ ସାହୁ, ଜଗବନ୍ଧୁ ସାହୁ ଓ ରିନା ସାହୁ । ଗୁରୁତର ଅବସ୍ଥାରେ ସେମାନଙ୍କୁ ଭୀମଭୋଇ ମେଡିକାଲ ରେ ଭର୍ତ୍ତୀ କରାଯାଇଛି ।
 ପ୍ରକାଶ ଯେ ଗତ ଦୁଇ ଦିନ ତଳେ ଖଗ ସାହୁ ଙ୍କ ପରିବାର ଲଖନା ଗ୍ରାମକୁ ବାହାଘର ଯାଇଥିବାବେଳେ ତୁଳସୀ ସାହୁ ଙ୍କ ଘରୁ କୁକୁଡା ଚୋରୀ  ହୋଇଥିଲା । ସେମାନେ ବାହାଘରୁ ଫେରିବା ପରେ ଘଟଣା କୁ ନେଇ ଦୁଇ ପରିବାର ମଧ୍ୟରେ ଝଗଡା ହୋଇଥିଲା । ସେହି ଘଟଣାକୁ ନେଇ ଆଜି ପୂର୍ବାହ୍ନ ୧୧ ଟା ରେ ଦୁଇ ପରିବାର ର ମହିଳା ମାନଙ୍କ ମଧ୍ୟରେ ତୁ ତୁ ମେ ମେ ହୋଇଥିଲା । ମଧ୍ୟାହ୍ନ ପ୍ରାୟ ୨ ଟା ସମୟରେ ଘରକୁ ପୁରୁଷ ମାନେ ଆସିବା ପରେ ଝଗଡା ଆହୁି ଉଗ୍ରଋପ ନେଇଥିଲା । ସେମାନଙ୍କ ମଧ୍ୟରେ ଧସ୍ତାଧସ୍ତି ହୋଇ ମାଡପିଟ ଆରମ୍ଭ ହୋଇଥିଲା । ଏଥିରେ ଜଗବନ୍ଧୁ ସାହୁ ଙ୍କ ମୁଣ୍ଡା ଫାଟିଯାଇଥିଲା । ଝଗଡା ଆହୁରି ତିବ୍ରତର ହେବାରୁ ଉତକ୍ଷିପ୍ତ ହୋଇ ତୁଳସୀ ସାହୁ, ଅହଲ୍ୟା ସାହୁ, ନେପାଳ ସାହୁ ଓ ସପ୍ନା ସାହୁ ଘରୁ ଏସିଡ ବାହାର କରି ତାଙ୍କ ଉପରକୁ ଫିଙ୍ଗିବା ଆରମ୍ଭ କରିଥିଲେ । ଏସିଡ  ଆକ୍ରମଣ ରେ ଖଗ, ସୁବାଷ, ଜଗବନ୍ଧୁ ଓ ରିନା ଙ୍କ ଶରୀର ପୋଡିଯାଇ ଗୁରୁତର ହୋଇଥିଲେ । ସେମାନଙ୍କୁ ଉଦ୍ଧାର କରି ଭୀମଭୋଇ ମେଡିକାଲ କୁ ଅଣାଯାଇଥିଲା ।