08-Apr-2023

ତୁରେକେଲା, (ପ୍ରେରଣା ଖବର)
 ଚୈତ୍ର ପୂର୍ଣ୍ଣିମା 6ଏପ୍ରିଲ ରେ ବଲାଙ୍ଗୀର ଜିଲ୍ଲା ଅନ୍ତର୍ଗତ ମହୁଲପାଟି ବାବା ବିଶାଶତ କୁଲତା ସମାଜ ଆଞ୍ଚଳିକ କେନ୍ଦ୍ର ରେ କୁଲତା ଏକତା ଦିବସ ମହା ସମାରୋହରେ ପାଳିତ ହୋଇଯାଇଛି । ଏହି ଉତ୍ସବରେ କେନ୍ଦ୍ର ଅନ୍ତର୍ଗତ ମହୁଲପାଟି,ଗଇନ୍ଦିମାଲ,ଭାଲୁକନା,ଗୁର୍ଜିଭଟା,କନ୍ଦାଗାଡ,ତୁରେକେଲା,ଲର୍କି,ମାନ୍ଦଲା ଏବଂ ମହୁଲବାହାଲି ଗ୍ରାମର କୁଲତା ସମାଜ ର ଶତାଧିକ ଜନସାଧାରଣ ଯୋଗ ଦେଇଥିଲେ । କେନ୍ଦ୍ର ସଭାପତି ଶ୍ରୀ ମୋତିଲାଲ ସାହୁ ଙ୍କ ସଭାପତି ତ୍ବ ରେ ଅନୁଷ୍ଠିତ ଏହି ଉତ୍ସବରେ କୁଲତା କୁଳର ଇଷ୍ଟ ଦେବି ଶ୍ରୀ ଶ୍ରୀ ରଣେଶ୍ବର ରାମଚଣ୍ଡି ଦେବୀ ଙ୍କ ପୂଜା ଅର୍ଚ୍ଚନା କରାଯାଇ ଥିବା ବେଳେ ସମାଜ ର ପୂଜକ ନିରଞ୍ଜନ ପଧାନ ମାଁ ଙ୍କ ପୂଜା କରିଥିଲେ । ଏହି ଉପଲକ୍ଷେ ଏକ ସଭା ଅନୁଷ୍ଠିତ ହୋଇ କୁଲତା ସମାଜ ର ନୀତି ନିୟମ ପାଳନ ପୂର୍ବକ ଜାତି ଭାଇ ମଧ୍ୟରେ ଏକତା ରକ୍ଷା କରାଯିବା ନିମନ୍ତେ ସଂକଳ୍ପ ଗ୍ରହଣ କରାଯାଇ ଥିଲା । ସଭା ପରେ ଛାତ୍ର ଛାତ୍ରୀ ବୃନ୍ଦ ଙ୍କ ମଧ୍ୟରେ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ପ୍ରତିଯୋଗୀତା ଅନୁଷ୍ଠିତ ହୋଇ ଥିଲା ଉପରୋକ୍ତ କାର୍ଯ୍ୟ କ୍ରମ ରେ ଆଞ୍ଚଳିକ କେନ୍ଦ୍ର ର ସର୍ବ ଶ୍ରୀ ଜଗତ ରାମ ପଧାନ (ଉପ ସଭାପତି),ସମ୍ପାଦକ ରୋହିତ କୁମାର ସାହୁ,ସହ ସମ୍ପାଦକ ସୁମିତ କୁମାର ସାହୁ,ଜିଲ୍ଲା ସଭ୍ୟ କାର୍ତ୍ତିକେଶ୍ବର ସାହୁ,କୋଷାଧ୍ୟକ୍ଷ ପୂର୍ଣ୍ଣଚନ୍ଦ୍ର ନାଏକ, ରାମୋଡ ଆଞ୍ଚଳିକ କେନ୍ଦ୍ର ସଭାପତି ବସୁଦେବ ବିଶ୍ବାଲ,ଜିଲ୍ଲା ସଭ୍ୟ ପୂର୍ଣ୍ଣଚନ୍ଦ୍ର ସାହୁ ପ୍ରମୁଖ ଉପସ୍ଥିତ ରହି ଥିଲେ ।