16-Mar-2023

ବୀରମହାରାଜପୁର,  (ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଏହେସାସ ତାଇକଣ୍ଡୋ ଏକାଡେମୀର ଖେଳାଳୀଙ୍କୁ ପୁଣି ମିଳିଳା ସଫଳତା । ଏହି ଏକାଡେମୀର ୩ ଜଣ ଉଦୟୀମାନେ ଖେଳାଳୀ ଏବେ ଜାତୀୟ ସ୍ତରୀୟ ତାଇକଣ୍ଡୋ ପ୍ରତିଯୋଗିତାରେ ଭାଗନେବାକୁ ମନୋନିତ ହୋଇଛନ୍ତି । ଗତ ଦୁଇଦିନ ତଳେ ପୁରୀଠାରେ ରାଜ୍ୟ ସ୍ତରୀୟ ଅଫିସିଆଲ ତାଇକଣ୍ଡୋ ପ୍ରତିଯୋଗିତା ଅନୁଷ୍ଠିତ ହୋଇଥିବାବେଳେ ଏହି ପ୍ରତିଯୋଗିତାରେ ଏହେସାସ ତାଇକଣ୍ଡୋ ଏକାଡେମୀର ମୋଟ ୧୭ ଜଣ ଖେଳାଳୀ ଅଂଶଗ୍ରହଣ କରିଥିଲେ । କୋଚ ଅନ୍ୱେଶ ହୋତା,ମହେନ୍ଦ୍ର ରଣା ଏବଂ ମନିଶ ମହାନ୍ତୀ ଏବଂ ବିଶ୍ୱରଂଜନ ସାହୁଙ୍କ ନେତୃତ୍ୱରେ ଯାଇଥିବା ଏହି ଖେଳାଳୀଙ୍କ ମଧ୍ୟରୁ ନିହାରିକା ବିଶି,ସ୍ନେହାଂଶି ନାଏକ ଏବଂ ଶକ୍ତି ଅମାତକୁ ସ୍ୱର୍ଣ୍ଣ ପଦକ ମିଳିଥିବାବେଳେ ଅଙ୍କିତ ମହାକୁରଙ୍କୁ ରୋପ୍ୟ ପଦକ ବାଦଲ ସଂଖୁଆ,ଆନନ୍ଦ ଭେଂଗରା,କୁମାର ଶଡଙ୍ଗୀ ଏବଂ ରାଜଲକ୍ଷ୍ମୀ ସାହୁଙ୍କୁ କାସ୍ୟ ପଦକ ମିଳିଥିବା ଜଣାଯାଇଛି । ସେହିଭଳି ଏହି ଏକାଡେମୀର ସିନିଅର ଖେଳାଳୀ ହର୍ଷିତା ନାୟକ ଏବଂ ପ୍ରୀୟଦର୍ଶନୀ କରଙ୍କୁ ଅଫିସିଆଲ ଭାବେ ପରିଚାଳନା ଦାଇତ୍ୱ ଦିଆଯାଇଥିବା ଜଣାଯାଇଛି । ଆସନ୍ତା ୨୫ ତାରିଖରୁ ୨୮ ତାରିଖ ପର୍ଯ୍ୟନ୍ତ ରାଜସ୍ଥାନର କୋଟାଠାରେ ହେବାକୁଥିବା ଜାତୀୟ ତାଇକଣ୍ଡୋ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ହାସଲ କରିଥିବା ନିହାରିକା ବିଶି,ସ୍ନେହାଂଶି ନାଏକ ଏବଂ ଶକ୍ତି ଅମାତ ଭାଗନେବା ପାଇଁ ମନୋନିତ ହୋଇଥିବା ସୁବର୍ଣ୍ଣପୁର ଜିଲ୍ଲା ତାଇକଣ୍ଡୋ ସଂଘର ସଂପାଦକ ଏହେସାସ ହୋତା ସୂଚନା ଦେଇଛନ୍ତି । ଏହି ଖେଳାଳୀଙ୍କ ସଫଳତା ପାଇଁ ଏବେ ରାଜ୍ୟ ତାଇକଣ୍ଡୋ ସଂଘର ସଂପାଦକ ମନମୋହନ ଭଂଞ୍ଜ ଏବଂ ସୁବର୍ଣ୍ଣପୁର ଜିଲ୍ଲା ତାଇକଣ୍ଡୋ ସଂଘର ସଭାପତି ରବୀନ୍ଦ୍ର ହୋତା ଶୁଭେଚ୍ଛା ଜଣାଇଛନ୍ତି ।