12-Mar-2023

ବିନିକା(ହିମାଂଶୁ ଶେଖର ପୁଟେଲ)ଶନିବାର ବିନିକା ଟାଉନହଲ ଠାରେ ବିଜୁ ଜନତା ଦଳ ପକ୍ଷରୁ ବୀରମହାରାଜପୁର ନିର୍ବାଚନ ମଣ୍ଡଳସ୍ତରୀୟ ମହିଳା ସମାବେଶ ଅନୁଷ୍ଠିତ ହୋଇଯାଇଛି ।ବିଧାୟକ ପଦ୍ମନାଭ ବେହେରା ଏଥିରେ ଅଧ୍ୟକ୍ଷତା କରି ମହିଳା ଶକ୍ତିଶାଳୀ ହେଲେ ଗୋଟେ ଉନ୍ନତ ଦେଶ ଗଠନ ହୋଇ ପାରିବ ।ଏହି କଥାକୁ ହୃଦୟଙ୍ଗମ କରି ମହିଳା ମାନେ ସାମାଜିକ ସମ୍ମାନ,ରାଜନୈତିକ ଅଭିବୃଦ୍ଧି ଓ ଆର୍ଥିକ ସମୃଦ୍ଧି ପାଇଁ ଲଢେଇ କରିବାର ଆବଶ୍ୟକତା କୁ ଉପଲବ୍ଧ କରି ମାନ୍ୟବର ଆମର ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବହୁ ଜନହିତକର ଯୋଜନା ପ୍ରଣୟନ କରି ଆସୁଛନ୍ତି। ଉପସ୍ଥିତ ମା,ମାଉସୀ ମାନେ ସେହି ଯୋଜନା ଗୁଡ଼ିକର ଫାଇଦା ନେଇ ନିଜ ପରିବାରକୁ ସ୍ବାବଲମ୍ବୀ କରିବା ସାଙ୍ଗକୁ ଅନ୍ୟ ମାନଙ୍କୁ ମଧ୍ୟ ଯୋଜନାର ସଫଳ ଦିଗରେ ପ୍ରେରଣା ଦେବା ସହିତ ତାଙ୍କୁ ମଧ୍ୟ ସ୍ବାବଲମ୍ବୀ କରିବାକୁ ପ୍ରୟାସ କରିବା ଉଚିତ ବୋଲି ଆହ୍ବାନ ଦେଇଥିଲେ ।ଅନୁଷ୍ଟିତ ଏହି ସମାବେଶରେ ରାଜ୍ୟ ବିଜୁ ଜନତା ଦଳର ମହିଳା ସମ୍ପାଦିକା ସୌଦାମିନୀ ଜେନା,ସୁବର୍ଣ୍ଣପୁର ଜିଲ୍ଲା ପର୍ଯ୍ୟବେକ୍ଷକ ପ୍ରଭାସିନୀ ନନ୍ଦ,ଜିଲ୍ଲା ପରିଷଦ ସଭ୍ୟା ଚନ୍ଦ୍ରକାନ୍ତି ଦନ୍ତା,ବିଜୟ ଲକ୍ଷ୍ମୀ ତରାଇ,ଜିଲ୍ଲା ସଭାନେତ୍ରୀ ପଦ୍ମିନୀ ବଘାର,ବିନିକା ଏନଏସି ଉପାଧ୍ୟକ୍ଷ ତପସ୍ୱିନୀ ମେହେର,ନଗର ସଭାନେତ୍ରୀ ଲକ୍ଷ୍ମୀ ମେହେର,ବ୍ଲକ ସଭାନେତ୍ରୀ ବୃନ୍ଦାବତୀ ନାୟକ,ଉଲୁଣ୍ଡା ସଭାନେତ୍ରୀ ସଙ୍ଗୀତାରାଣୀ ଭୁକ୍ତା,ପୂର୍ବତନ ଜିଲ୍ଲା ପରିଷଦ ସଭ୍ୟା ପୁଷ୍ପାଞ୍ଜଳି ପଣ୍ଡା,ସରପଞ୍ଚ ରଶ୍ମିତା ଭୋଇ,ଜୟନ୍ତି ଧରୁଆ,ପିଙ୍କି ବିତ,ପୂର୍ବତନ ସରପଂଚ ରଞ୍ଜିତା ଭୋଇ ପ୍ରମୁଖ ମହିଳା ସଶକ୍ତିକରଣ ଉପରେ ମା ମାନଙ୍କୁ ଉଦବୋଧନ ଦେଇଥିଲେ ।ଅନୁଷ୍ଟିତ ଏହି ସମାବେଶରେ ଶତାଧିକ ମହିଳା ଯୋଗଦେଇଥିଲେ ।ସମାବେଶ ପରିଚାଳନାରେ ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ,ନଗର ସଭାପତି ସୋମନାଥ ମିଶ୍ର,ବ୍ଲକ ସଭାପତି ଦ୍ବାରିକାନାଥ ସାହୁଙ୍କ ସହ ସମସ୍ତ କାଉନସିଲର,ନଗର ଓ ବ୍ଲକ ବିଜୁ ଜନତା ଦଳର କର୍ମୀ ସାମିଲ ହୋଇ ସହଯୋଗ କରିଥିଲେ l