11-Mar-2023

ସୁବର୍ଣ୍ଣପୁର : ଆଜି ସୁବର୍ଣ୍ଣପୁର ଜ଼ିଲ୍ଲା ତରଭା ପୋଲିସ ପକ୍ଷରୁ ଡକାୟତି  ଓ ହତ୍ୟା ଉଦ୍ୟମ ମାମଲାରେ ସଂଶ୍ଲିଷ୍ଟ ଦୁଇ ଜଣ  ଦୁର୍ବୁତ୍ତ ଙ୍କୁ ଗିରଫ କରାଯାଇଛି l ଏମିତି ଏକ ଘଟଣା ଘଟିଛି ତରଭା ଥାନା  ଅଞ୍ଚଳରେ ଯାହାକି ଗତ ୯ ତାରୀଖ ରାତି ପ୍ରାୟ ୧ଟା ସମୟରେ କମସରା ଫାଣ୍ଡି ବୁରୋମୁଣ୍ଡା ଗାଁରେ l ଏକ ୟମାହା ମୋଟର ସାଇକେଲରେ କିଛିବ୍ୟକ୍ତି ଆସି ଜଣେ ଦୋକାନ ମାଲିକଙ୍କୁ ଦୋକାନରୁ ଉଠାଇ ଚାରିଲିଟର ପେଟ୍ରୋଲ  ଓ କିଛି ଜିନିଷ କିଣିଥିଲେ  ଏବଂ ପଇସା ନଦେଇ ଓଲଟି ଦୋକାନମାଲିକକୁ ଏକ ଖଣ୍ଡା ସାହାଯ୍ୟ ରେ ଆକ୍ରମଣ କରି ତାଙ୍କ ଦୋକାନରୁ ପର୍ସ ସହିତ ୪୦୦୦ଟଙ୍କା ଲୁଟ କରିଥିଲେ । ପ୍ରତିବାଦ କରିବାରୁ ଦୋକାନିଙ୍କୁ ଖଣ୍ଡା ସାହାଯ୍ୟ ରେ ଆକ୍ରମଣ କରି ଲହୁଲୁହାଣ କରି ଫେରାର ମାରିଥିଲେ । ତରଭା ଥାନାରେ ଦୋକାନୀ ପକ୍ଷରୁ ଏତଲା  ହେବାପରେ ଆଜି  ବାଲାଙ୍ଗୀର ପୁଇଁତଳା ବ୍ଲକ ତାଲଗଜ ଗାଁ ର ଅଭିଯୁକ୍ତ ରଞ୍ଜିତ ତାଣ୍ଡି (୨୨)ଏବଂ ରାଜ ରତନ ଜଗଦଲା(୨୫)ନାମକ ଦୁଇଜଣ ବ୍ୟକ୍ତିଙ୍କୁ ଗିରଫ କରିବା ସହିତ ତାଙ୍କ ନିକଟରୁ ବ୍ୟବହୃତ ହୋଇଥିବା ମୋଟର ସାଇକେଲ,ଖଣ୍ଡା ,ମୋବାଇଲ ଏବଂ ୧୧୪୦ଟଙ୍କା ଜବତ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ବିଷୟ ତରଭା ଠାରେ ଏକ ସାମ୍ବାଦିକ ସମ୍ମିଳନିରେ ସୁଚନା ଦେଇଛନ୍ତି ସୋନପୁର ଏସ୍ ଡି ପିଓ  ପୁଷ୍ପାଞ୍ଜଳୀ ନିଙ୍ଗୀ l ସୁବର୍ଣ୍ଣପୁର ଏସପି ଅମରେଶ ପଣ୍ଡା ଙ୍କ ନିର୍ଦ୍ଧେଶ କ୍ରମେ ଓ ଏସ୍ଡ଼ିପିଓ  ଶ୍ରୀମତୀ ନିଙ୍ଗୀ ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ  ନିଆ ଯାଇଥିବା ତୁରନ୍ତ ପଦକ୍ଷେପ ଓ ତରଭା ପୋଲିସ ର ଏ ସଫଳତା କୁ ଏ ଅଞ୍ଚଳରେ ପ୍ରଶଂସା କରାଯାଇଛି l ଓ ପୋଲିସ ପ୍ରତି ଲୋକଙ୍କ ଭରସା ବଢିଛି l