11-Mar-2023

 ବିନିକା(ହିମାଂଶୁ ଶେଖର ପୁଟେଲ): ଦୀର୍ଘ ୬/୮ବର୍ଷ ଧରି ଶିକ୍ଷା ସହାୟକଙ୍କ ଇନକ୍ରିମେଣ୍ଟ ଗ୍ରହଣ କରିବା,କେନ୍ଦ୍ରୀୟ ହାରରେ ଦରମା ପ୍ରଦାନ,ପୁରୁଣା ପେନସନ ପ୍ରଚଳନ ଆଦି କାର୍ଯ୍ୟକାରୀ କରିବା ପାଇଁ ଗତ ୩ମାସ ହେଲା ଶିକ୍ଷକ ମାନେ ଦାବୀ କରି ଆସୁଥିଲେ ମଧ୍ୟ ଅଦ୍ୟାବଧି ତାହା ସମାଧାନ ହୋଇ ନଥିବାରୁ ବାଧ୍ୟ ହୋଇ କାର୍ଯ୍ୟରତ ଶିକ୍ଷକ ଶିକ୍ଷୟତ୍ରୀ ବର୍ତମାନ ପୋଷାକ ବର୍ଜନ ସହ କଳା ବ୍ୟାଚ ପିନ୍ଧି ଛାତ୍ରଛାତ୍ରୀଙ୍କୁ ଶିକ୍ଷା ଦେଉଛନ୍ତି ।ଚଳିତ ମାର୍ଚ୍ଚ ମାସ ୧୫ତାରିଖ ଭିତରେ ଯଦି ଉକ୍ତ ଦାବୀ ଗୁଡ଼ିକ ପୂରଣ ନହୁଏ ତେବେ ରାଜ୍ୟ ସଂଘର ନିଷ୍ପତି କ୍ରମେ ବିନିକା ବ୍ଲକ ଓ ଏନଏସିରେ କାର୍ଯ୍ୟରତ ନୂତନ ପେନସନ ଯୋଜନା ଭୁକ୍ତ ଓ କନିଷ୍ଠ ଶିକ୍ଷକ ମାନେ ସମୂହ ଛୁଟିରେ ରହିବା ସାଂଗକୁ ୧୮ତାରିଖରୁ ରାଜଧାନୀ ଠାରେ ଧାରଣା ଦେବେ ବୋଲି ନିଷ୍ପତି ନେଇଛନ୍ତି ।ଆଜି ଏନେଇ ବିନିକା ପ୍ରାଥମିକ ମହାସଂଘ ସଭାପତି ଶଶାଙ୍କ ଶେଖର ପଣ୍ଡାଙ୍କ ନେତୃତ୍ୱରେ ଶତାଧିକ ଶିକ୍ଷକ ଶିକ୍ଷୟତ୍ରୀ ସ୍ଥାନୀୟ ଅତିରିକ୍ତ ଶିକ୍ଷା ଅଧିକାରୀ ବସନ୍ତ ଭୋଇଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ,ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଓ ୫ଟି ସଚିବଙ୍କ ନିକଟକୁ ଦାବିପତ୍ର ପ୍ରଦାନ କରିଛନ୍ତି ।