10-Mar-2023

ନାକ୍ଟିଦେଉଳ(କନ୍ଦର୍ପ ବେହେରା ): ଓଡିଶା ସରକାରଙ୍କ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ ଓ ଏନ୍ ସି ସି ସମ୍ବଲପୁର୍ ଗୃପ ହେଡକ୍ୟୁଆଟର ର ସହଯୋଗ ରେ ନାକ୍ଟିଦେଉଳ ସ୍ନାତକ ମହାବିଦ୍ୟାଳୟ ରେ ଦୁଇଟି ଏନ୍ ସି ସି ୟୁନିଟ୍ ଖୋଲିଛି । ଵାଳକ ବିଭାଗ ୟୁନିଟ ର ଏନ୍ ସି ସି ଅଫିସର ଭାଵେ ଶିକ୍ଷା ଵିଭାଗ ର ଅଧ୍ୟାପକ ହିମା°ଶୁ ବାରିକ୍ ନିଯୁକ୍ତ ହୋଇଥିବା ଵେଳେ ଵାଳିକା ଏନ୍ ସି ସି ୟୁନିଟ ର ଅଫିସର୍ ଭାବେ ପ୍ରାଣୀ ବିଜ୍ଞାନ ଅଧ୍ୟାପିକା ସଙ୍ଗୀତା ସେଠ୍ ନିଯୁକ୍ତ ହୋଇଛନ୍ତି । ତା ୧୦.୩.୨୩ ରିଖ ଦିନ ନାକ୍ଟିଦେଉଳ ମହାଵିଦ୍ୟାଳୟ ର ଏନ୍ ସି ସି ୟୁନିଟ୍ ସମ୍ବଲପୁର୍ ଏନ୍ ସି ସି ଗୃପ୍ ହେଡକ୍ୟୁଆଟର ର କମାଣ୍ଡିଙ୍ଗ ଅଫିସର୍ ସି .ସି ନାଗ୍ ଙ୍କ ଦ୍ବାରା ଉଦଘାଟିତ ହୋଇଥିଲା । ସେ ଫିତା କାଟି ଓ ଦ୍ବୀପ ପ୍ରଜ୍ଜଳନ କରି ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ଏହି ଅବସରରେ କେନ୍ ଡ଼୍ରିଲ୍ ଓ ଏନ୍ ସି ସି ପତାକା ଉତ୍ତୋଳନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିବା ଵେଳେ ନୂତନ ଏନ୍ ସି ସି କାର୍ଯ୍ୟାଳୟ ,ଫାଏରିଙ୍ଗ ରେଞ ଏରିଆ ଓ ଅବଷ୍ଟେକଲ୍ କୋର୍ସ ଏରିଆ ଉଦଘାଟିତ ହୋଇଥିଲା । ଏହା ସହିତ ନୂତନ କେଡ଼ଟ୍ ସିଲେକ୍ସନ୍ ପାଇଁ ଇଣ୍ଟରଭିଉ ଅନୁଷ୍ଠିତ ହୋଇଥିଲା । ଅନୁଷ୍ଠାନ ର ଅଧ୍ୟକ୍ଷ ସୁଧୀର କୁମାର୍ ସାହୁ ଙ୍କ ସଭାପତିତ୍ଵ ରେ ଏନ୍ ସି ସି ର ମହତ୍ତ୍ଵ ଓ ଭୂମିକା ସମ୍ପର୍କରେ ଏକ ଆଲୋଚନାଚକ୍ର ଆୟୋଜିତ ହୋଇଥିଲା । ଏହି ସମାରୋହରେ ଅଧ୍ୟାପକ ଦେବେଶ ବିଶ୍ବାଳ, ଶେଷଦେବ ବିଶ୍ବାଳ, ଵିନୋଦ ବିହାରୀ ପ୍ରଧାନ୍, ଭଜମୋହନ ପ୍ରଧାନ, ଅଧ୍ୟାପିକା ଆର୍ ପୁଷ୍ପାଞଳୀ, ଲିଟିନା ପ୍ରିୟଦର୍ଶିନୀ, ସୁଦାମ ସାହୁ, ଵିଭୁତି ଭୁଷଣ ସାହୁ ଓ ଧନଞୟ ମହାକୁଡ ପ୍ରମୁଖ ସହଯୋଗ କରିଥିଲେ ।