10-Mar-2023

ବଲାଙ୍ଗୀର, (ପ୍ରେରଣା ଖବର) ନେତାଜୀ ସୁବାଷ ଚନ୍ଦ୍ର ବୋଷଙ୍କ ୧୨୬ ତମ ଜୟନ୍ତୀ ଅବସରରେ ଆନ୍ତର୍ଜାତିକ ବାଲୁକା ଶିଳ୍ପୀ ଓମ ପ୍ରକାଶ ସାହୁଙ୍କ ଦ୍ୱାରା ନିର୍ମିତ ୩୬ଫୁଟ ଉଚ୍ଚତା ବିଶିଷ୍ଟ ବାଲୁକା କଳାଟି " କିଂଗ୍ସ ବୁକ ଅଫ ୱାର୍ଲଡ ରେକର୍ଡ "( Kings Book of World Records )ରେ ସ୍ଥାନ ପାଇଛି l କଳାହାଣ୍ଡି ଓ ବଲାଙ୍ଗୀର ଜିଲ୍ଲା ର ସୀମାନ୍ତବର୍ତ୍ତୀ ଅଂଚଳ  ଗୁଡଭେଳା ବ୍ଲକରେ ପ୍ରଭାହିତ ତେଲ ନଦୀର ପେନ୍ଦିମୁଣ୍ଡା ଘାଟରେ ତେନ୍ତୁଳୀଖୁଣ୍ଟି ମକର ମେଳା ଅବସରରେ ଗତ ଜାନୁଆରୀ ୧୪ ରୁ ୨୩ ତାରିଖ ପର୍ଯ୍ୟନ୍ତ ଏହି ବାଲୁକା କଳାଟି ପ୍ରଦର୍ଶିତ ହୋଇଥିଲା l ଏହି ମୋଡେଲ ଟି ତିଆରି କରିବା ପାଇଁ ୩୮୦୦ଟନ ବାଲି ବ୍ୟବହୃତ ହୋଇଥିବା ବେଳେ ଏହାକୁ ଶେଷ କରିବା ପାଇଁ ୧୫ ଦିନ ସମୟ ଲାଗିଥିଲା l ଏହି ସଫଳତା ପରେ ଶ୍ରୀ ସାହୁଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଓ ସମ୍ୱର୍ଦ୍ଧନା ପ୍ରଦାନ କରାଯାଉଛି l ଗତ ମାର୍ଚ୍ଚ ୫ ତାରିଖ ଦିନ ପଶ୍ଚିମ ଓଡ଼ିଶାର ସର୍ବପୁରାତନ କଳା ଶିକ୍ଷା ଅନୁଷ୍ଠାନ କଳାୟତନ କଲେଜ ଅଫ ଆର୍ଟ ଏଣ୍ଡ କ୍ରାଫ୍ଟସ, ସୁନ୍ଦରଗଡ଼ର ବାର୍ଷିକ ଉତ୍ସବ ଓ ଚିତ୍ରକଳା ପ୍ରଦର୍ଶନୀ ଅବସରରେ ସମ୍ବର୍ଦ୍ଧିତ କରାଯାଇଥିଲା l ପ୍ରକାଶ ଥାଉକି ୨୦୨୦ ମସିହାରେ ମଧ୍ୟ ଉକ୍ତ ସ୍ଥାନରେ ଶ୍ରୀ ସାହୁ ଭାରତ ର ଐତିହ୍ୟ ଉପରେ ୨୬ ଫୁଟ ଉଚ୍ଚତା ବିଶିଷ୍ଟ ବାଲୁକା କଳା ନିର୍ମାଣ କରି ଏସିଆ ବୁକ ଅଫ ରେକର୍ଡସ ଓ  ଏକ୍ସକ୍ଲୁସିଭ ୱାର୍ଲଡ ରେକର୍ଡ ରେ ଏହାକୁ ସାମିଲ କରି ଥିଲେ l ଭାରତରେ ବାଲୁକା କଳାରେ ବିଶ୍ୱ ରେକର୍ଡ ହାସଲ କରିଥିବା  ଶିଳ୍ପୀ ମାନଙ୍କ ମଧ୍ୟରେ ସୁଦର୍ଶନ ପଟ୍ଟନାୟକଙ୍କ ପରେ ଶ୍ରୀ ସାହୁ ହେଉଛନ୍ତି ଦ୍ଵିତୀୟ ବ୍ୟକ୍ତି l