09-Mar-2023

ବିନିକା(ହିମାଂଶୁ ଶେଖର ପୁଟେଲ): ହୀରାକୁଦ ଜଳଭଣ୍ଡାର କେନାଲ ପାଣି ବିନିକା ଅଞ୍ଚଳକୁ ପହଞ୍ଚି ପାରୁନ ଥିବାରୁ ଆଜି ଶ୍ରୀ ଗଣେଶ ଆଞ୍ଚଳିକ କୃଷକ ସଂଘ ଓ ଅଞ୍ଚଲର ଶତାଧିକ ଚାଷୀ ବିନିକା ତହସିଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି l ତହସିଲ କାର୍ଯ୍ୟାଳୟ ସମ୍ମୁଖରେ ଅଞ୍ଚଲର ଚାଷୀ ମାନେ ବିକ୍ଷୋବ ପ୍ରଦର୍ଶନ କରିବା ସହ ବିଭିନ୍ନ ନାରାବାଜି ଦେଇଛନ୍ତି l ଶ୍ରୀ ଗଣେଶ ଆଂଚଳିକ କୃଷକ ସଂଘ ପକ୍ଷରୁ ବିନିକା ଶେଷ ସୀମା ତଳିଆ ଅଞ୍ଚଳକୁ ତୁରନ୍ତ କେନାଲ ପାଣି ଯୋଗାଇ ଦେବାପାଇଁ ବିନିକା ତହସିଲଦାର ଙ୍କ ଜରୀଆରେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l ଘଟଣା ସ୍ଥଳରେ କୌଣସି ପ୍ରକାର ଅପ୍ରୀତିକର ପରିସ୍ଥିତି ସୃଷ୍ଟି ନହେବା ପାଇଁ ପୋଲିସ ଫୋର୍ସ ମଧ୍ଯ ମୁତୟନ ହୋଇଥିଲେ l  ଆସନ୍ତା କାଲି ସକାଳ ସୁଦ୍ଧା କେନାଲ ପାଣି  ନଆସିଲେ ୧୦ତାରିଖରେ ରାସ୍ତାରୋକ ଆନ୍ଦୋଳନ ଏବଂ ୧୧ତାରିଖରେ ବିନିକା ବନ୍ଦ ପାଳନ କରାଯିବ ବୋଲି ଚାଷୀଙ୍କ ତରଫରୁ ଚେତାବନୀ ଦିଆଯାଇଛି ।ସଂଘର ସଭାପତି ଅଜିତ କୁମାର ପଣ୍ଡାଙ୍କ ନେତୃତ୍ୱରେ ଅଶୋକ ପୃଷ୍ଟି,ରମେଶ ଦାଶ,ପଞ୍ଚାନନ ବାବୁ,ଲକ୍ଷ୍ମୀ ନାରାୟଣ ପୂଜାରୀ, ଦେବାଶିଷ ଦାଶ,ଧର୍ମରାଜ ପଣ୍ଡା,ପ୍ରକାଶ ପଣ୍ଡା,ନିରଞ୍ଜନ ଥପ୍ପା,ସନ୍ତୋଷ ଥନାପତି,ବୃନ୍ଦାବନ ନାଏକ,ଅଭୟ ପ୍ରଧାନ,ପ୍ରଶାନ୍ତ ପଣ୍ଡା,ରାଜେନ୍ଦ୍ର ଜଗଦଲା,ବିଶ୍ଵନାଥ ମହାନନ୍ଦ ପ୍ରମୁଖଙ୍କ ସମେତ ଅଞ୍ଚଳର ଶତାଧିକ ଚାଷୀ ଏହି ବିକ୍ଷୋଭ ପ୍ରଦର୍ଶନରେ ସାମିଲ ହୋଇଥିଲେ ।